अँड्रोइडनं असा पोहचवला युवकांच्या खिशात फोन

नवी दिल्लीः अॅपल कंपनी स्मार्टफोनमध्ये अनेक नवीन फिचर अपडेट केले आहेत. मात्र, गुगलच्या ऑपरेटिंग सिस्टमनं खऱ्या अर्थानं स्मार्टफोनला सामान्य लोकांपर्यंत पोहचवलं. स्मार्टफोन बनवणाऱ्या कंपन्यांना मोफत अँड्रोइड सुविधा पुरवतो आणि त्यामुळंच आज सहज स्मार्टफोन उपलब्ध झाले आहेत. जगभरात अँड्रोइडचा वाढता वापर गुगलनं अँड्रोइड ऑपरेटिंग सिस्टमला मॉनेटाइज न करता कंपन्याना ऑपरेटिंग सिस्टम विनाशुल्क दिली. यामुळं अँड्रोइडचा वापर जगभरात वाढला. चिनमध्ये विकल्या जाणाऱ्या १० पैकी ९ स्मार्टफोनमध्ये अँड्रोइड स्मार्टफोनचा वापर केला जातो. भारतात सर्वाधिक वापर अँड्रोइडसाठी भारताची बाजारपेठ हे मुख्य लक्ष्य आहे. इथे विक्री होणारे ९१ टक्के स्मार्टफोन गुगल अँड्रोइड ऑपरेटिंग सिस्टमवर चालतात. जगात अँड्रोइड ऑपरेटिंग सिस्टीमबद्दल बोलायच झालं तर, चीनमध्ये ७६ टक्के बाजारपेठ अँड्रोइडनं व्यापली आहे तर, आयओएस ऑपरेटिंग सिस्टिम फक्त २३ टक्क्यांपर्यंत वापरली जाते. भारतात अँड्रोइडचं मार्केट ९१ टक्के आहे व आयओएस ३ टक्के, अमेरिकेत मात्र आयओएस आघाडीवर आहे. अमेरिकेत ५३ टक्के आयओएस वापरकर्ते आहेत तर, अँड्रोइड वापरकर्ते ४७ टक्के आहेत. भारतातील प्रवास गुगलनं २००५मध्ये स्टार्टअॅप अँड्रोइडला ५० मिलियन डॉलरमध्ये खरेदी केलं होतं. २००८मध्ये अँड्रोइडचा पहिला स्मार्टफोन बाजारात आला. मोटोरोला आणि एचटीसीनं सगळ्यात आधी अँड्रोइड ऑपरेटिंग सिस्टिमचा वापर केला होता. नोकियाचा सिम्बियन आणि रिम ब्लॅकबेरीचे ऑपरेटिंग सिस्टिम त्यावेळी प्रसिद्ध होते. २००९मध्ये सॅमसंग कंपनीनं त्यांचा पहिला स्मार्टफोन लाँच केला. बघता बघता २०१२मध्ये अँड्रोइडनं भारतात आयओएसला मागे टाकत बाजारपेठ काबीज केलं. २०१८मध्ये अँड्रोइड १.४ अरब डिव्हाइसर्यंत जाऊन पोहचला.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/31CWSyl