इंटरनेट वापरण्यात भारत जगात अव्वल

: भारतीय मोबाइल वापरकर्त्यानं २०१८ सालातील प्रत्येक महिन्याला तब्बल ८ जीबी डेटा वापरण्यात आला. हा डेटा मागच्या वर्षीच्या तुलनेत ७५ टक्यांनी जास्त आहे. या दरम्यान देशभरातील स्वस्त टॅरिफ प्लान आणि ४जी टेक्नॉलॉजी डेव्हलेपमेंटही पाहायला मिळाले. दर महिन्याला डेटा वापरकर्त्यांमध्ये भारत हा यूके, यूएस, सिंगापूर आणि दक्षिण कोरिया या देशांहून पुढे आहे. 'यूएस' या देशाचा मोबाइलकर्ता प्रत्येक महिन्याला ४ जीबी डेटा वापर करतो. तर दुसरीकडे दक्षिण कोरिया ६ जीबी, जपान ४.५ जीबी आणि सिंगापूर ३ जीबी डेटा हा महिन्याला वापर करतो. 'टेलिकॉम रेग्लुलेटरी अथॉरिटी ऑफ इंडिया'(ट्राय) या संस्थेतर्फे व्हायरलेस स्मार्टफोनवर होणाऱ्या डेटा वापरासंबंधित माहिती समोर आली आहे. या माहितीत २०१७ सालाच्या तुलनेत डेटा वापरण्यात वाढ झालेली पाहायला मिळाली. तसेच २०१७ सालाच्या तुलनेत २०१८ साली इंटरनेटचा वापर ४० टक्के आणि २०१४ सालाच्या तुलनेत ९६ टक्यांनी वाढला आहे. वापरकर्ता आणि महसुलात एअरटेल आघाडीवर टेलिकॉम कंपन्यांचा २०१७ साली ३८,८८२ कोटी रुपये सरासरी महसूल हा २०१८ साली ४१ टक्क्यांनी वाढून ५४,६७१ कोटींवर पोहोचला. महसूलाच्या टक्केवारीमध्ये मागच्या पाच वर्षाच्या तुलनेत खूप सारे चढ-उतार पाहायला मिळाले. २०१६ आणि २०१७ साली हा महसूल कमी पाहायला मिळाला. मात्र त्या सालानंतर महसूलात बढोत्तरी पाहायला मिळाली. वेगवेगळ्या कपंन्याचा सरासरी महसूलाच्या तुलनेत एअरटेल कपंनीने प्रती वापरकर्ता रिलायंन्स जिओ आणि व्होडाफोन आयडियालाही मागे टाकत १२७ रुपये सरासरी महसूल जमा केला. तर जिओ आणि व्होडाफोनचा प्रति वापरकर्ता सरासरी महसूल हा अनुक्रमे १२२ रुपये आणि १०८ रुपये आहे. पुढच्या दोन वर्षात २०० % वापर वाढणार आगामी दोन वर्षात भारतात मोबाइल डेटाचा वापर हा २०० टक्क्यापर्यंत वाढणार असल्याचे ट्राय संस्थेचे म्हणणं आहे. एका वृत्तानसुार २०२० सालापर्यंत व्हायरलेस विरहीत डेटाचा वापर हा १०० कोट्यावधी जीबी पोहोचू शकतो. या व्यतिरिक्त व्हायरलेस डेटा वापरकर्त्यांचे संख्या २०१७ साली ४२.४ कोटीच्या तुलनेत २०१८ साली ५७.८ कोटी वापरकर्त्यांबरोबर ३६ टक्क्यांनी वाढली. २०१८ साली मोबाइल वापरकर्त्यांनी ४६,४०४ जीबी डेटाचा वापर करण्यात आला. २०१७ सालाच्या तुलनेत डेटाचा वापर १३१ टक्क्यांपेक्षा जास्त आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2ZrobOD