दमदार फीचर्ससह येणाऱ्या Dizo च्या ‘या’ स्वस्तात मस्त स्मार्टवॉचचा आज पहिला सेल, किंमत फक्त...

नवी दिल्ली : रियलमीचा टेकलाइफ इकोसिस्टम ब्रँड ने काही दिवसांपूर्वीच भारतीय बाजारात या स्मार्टवॉचला लाँच केले आहे. ही नवीन वॉच गेल्यावर्षी लाँच झालेल्या Dizo Watch 2 चे अपग्रेडेट व्हर्जन आहे. Dizo ने खूपच कमी वेळेत भारतीय वियरेबल बाजारात आपले स्थान निर्माण केले आहे. कंपनीनुसार, अवघ्या ४० दिवसात Dizo Watch 2 च्या एक लाखांपेक्षा अधिक यूनिट्सची विक्री झाली आहे. तर आजपासून Dizo Watch 2 Sports विक्रीसाठी उपलब्ध आहे. डिझोच्या या स्मार्टफोनमध्ये १.६९ इंच TFT टच स्क्रीन, १५० पेक्षा अधिक वॉच फेसचा सपोर्टसह अनेक शानदार फीचर्स दिले आहे. या स्मार्टवॉचविषयी सविस्तर जाणून घेऊया. वाचा: Dizo Watch 2 Sports ची किंमत आणि स्पेसिफिकेशन्स Dizo Watch 2 Sports ची मूळ किंमत २,४९९ रुपये आहे. परंतु, लाँचिंग ऑफर अंतर्गत फ्लिपकार्टवरून फक्त १,९९९ रुपयात खरेदी करू सकता. Dizo Watch 2 Sports ची विक्री आजपासून (८ मार्च) फ्लिपकार्टच्या माध्यमातून सुरू झाली आहे. या वॉचवर कंपनी १२ महिन्यांची वॉरंटी देखील देत आहे. Dizo Watch 2 Sports ला तुम्ही क्लासिक ब्लॅक, डार्क ग्रीन, गोल्डेन पिंक, ओशियन ब्लू, पॅशन रेड आणि सिल्वर ग्रे कलर रंगात खरेदी करू शकता. Dizo Watch 2 Sports मध्ये १.६९ इंचाचा शानदार TFT टच स्क्रीन डिस्प्ले दिला असून, याचे रिझॉल्यूशन २४०x२८० पिक्सल आहे. डिस्प्लेची ब्राइटनेस ६०० निट्स आहे. डिझोच्या या वॉचमध्ये १५० पेक्षा अधिक वॉच फेसचा सपोर्ट मिळतो. तुम्ही तुमच्याजवळील कोणत्याही फोटोला वॉच फेस म्हणून देखील वापरू शकता. यात ११० पेक्षा अधिक स्पोर्ट्स मोड दिले आहेत. स्मार्टवॉचमध्ये अनेक शानदार हेल्थ फीचर्स देखील दिले आहेत. यात रियल टाइम हार्ट रेट ट्रॅकिंग, SpO2 मॉनिटरिंग, स्लीप ट्रॅकिंगसह अनेक फीचर्स दिले आहे. वॉटर रेसिस्टेंटसाठी वॉचला ५ATM रेटिंग मिळाली आहे. म्हणजेच, ५० मीटर खोल पाण्यात वॉच ३० मिनिटांपर्यंत खराब होणार नाही. वॉचद्वारे कॉलला रिझेक्ट आणि म्यूट करता येईल. वॉचद्वारे फोनवर प्ले होणाऱ्या म्यूझिकला देखील कंट्रोल करता येईल. तसेच, कॅमेरा कंट्रोल सपोर्ट देखील मिळतो. वाचा: वाचा: वाचा:

from Science & Technology News: Science News Updates, Science Technology News in Marathi | Maharashtra Times https://ift.tt/saMkynd