फक्त एका मिस कॉलने इतरांना पाठवता येतील पैसे, इंटरनेटचीही गरज नाही; जाणून घ्या प्रोसेस

नवी दिल्ली : रिझर्व्ह बँक ऑफ इंडियाने फीचर फोन यूजर्ससाठी सर्विस लाँच केली आहे. सर्विसद्वारे यूजर्स (UPI) पेमेंटला फीचर फोनवरून अ‍ॅक्सेस करू शकतात. आतापर्यंत UPI सर्विस केवळ स्मार्टफोन्ससाठी उपलब्ध होती. मात्र, आता मिस कॉलद्वारे देखील पेमेंट करणे शक्य आहे. स्मार्टफोनसोबतच यूपीआयला (नॅशनल यूनिफाइड USSD प्लेटफॉर्म) द्वारे *99# कोड वापरून देखील अ‍ॅक्सेस करू शकता. मात्र, या पद्धतीचा अद्याप जास्त जण वापर करताना दिसत नाही. देशभरात सध्या ४० कोटींपेक्षा अधिक फीचर फोन यूजर्स आहेत. त्यामुळे ही सर्विस अशा यूजर्ससाठी फायद्याची ठरेल. वाचा: UPI123pay द्वारे यूजर्सला UPI अ‍ॅक्सेस करण्यासाठी वेगवेगळे पर्याय दिले जात आहेत. UPI123Pay मध्ये पेमेंटसाठी चार पर्याय मिळतील. यात अ‍ॅप बेस्ड फंक्शनॅलिटी, मिस कॉल, इंटरॅक्टिव्ह वॉइस रिस्पॉन्स (IVR) आणि प्रॉक्सिमिटी साउंड बेस्ड पेमेंटचा समावेश आहे. UPI123Pay फीचरचा वापर करून तुम्ही फक्त मिस कॉल देवून देखील पैसे पाठवू शकतात. तुमच्या फोनमध्ये इंटरनेट कनेक्शन उपलब्ध नसल्यास ही सुविधा खूपच उपयोगी येईल. यामुळे इंटरनेट नसतानाही तुम्ही सहज पेमेंट करू शकता. मिस्ड कॉलद्वारे UPI पेमेंट करण्यासाठी तुम्हाला सर्वात प्रथम मर्चेंट आउटलेटवर दिलेल्या नंबरवर मिस कॉल द्यावा लागेल. त्यानंतर तुम्हाला IVR कॉल येईल. IVR कॉल आल्यानंतर तुम्हाला कन्फर्म करावे लागेल की फंड ट्रान्सफर करायचा आहे की नाही. यानंतर ट्रान्सफर अमाउंट टाका. आता UPI PIN एंटर करा. त्यानंतर पैसे आपोआप ट्रान्सफर केले जातील. 123Pay फीचरद्वारे पेमेंटसह FAST Tags साठी रिचार्ज, यूटिलिटी बिल्स पे करता येईल. याशिवाय, तुम्ही UPI शी लिंक असलेल्या बँक खात्यातील रक्कम देखील तपासू शकता. या फीचरच्या मदतीने तुम्हाला यूपीआय पिन सेट करता येईल व त्यात बदल देखील करता येईल. ही सुविधेच्या अधिक माहितीसाठी तुम्ही www.digisaathi.info साइटला भेट देऊ शकता. याशिवाय, १४४३१ आणि १८०० ८९१ ३३३३ या क्रमांकावर कॉल केल्यास अधिक माहिती मिळेल. वाचा: वाचा: वाचा:

from Science & Technology News: Science News Updates, Science Technology News in Marathi | Maharashtra Times https://ift.tt/6xd8LfZ