सेल्फीची आवड असणाऱ्यांसाठी खास ३२ MP सेल्फी कॅमेऱ्यासह Xiaomi CIVI लाँच, पाहा किंमत

नवी दिल्ली : Redmi आणि MI नंतर, Xiaomi ने CIVI ब्रँड अंतर्गत एक नवीन स्मार्टफोन लाँच केला असून त्याचे नाव आहे. हा स्मार्टफोन सेल्फीच्या दृष्टीने सादर करण्यात आला आहे, ज्यात उत्कृष्ट डिझाइन आहे. या मोबाईल फोनमध्ये ३२ मेगापिक्सलचा कॅमेरा आहे असून फोनमध्ये आकर्षक डिझाईन आणि ६४ मेगापिक्सलचा रियर कॅमेरा आहे. यासह, युजर्सना यात जलद चार्जिंग सिस्टम देखील मिळेल. वाचा: Xiaomi CIVI :वैशिष्ट्ये Xiaomi CIVI मध्ये ६.५५ इंचाचा AMOLED डिस्प्ले आहे, जो वक्र किनारीसह येतो. यात पंच होल कटआउट आहे, जो वरच्या मध्यभागी आहे. हा डिस्प्ले फुलएचडी+ रिझोल्यूशनसह येत असून त्याचे पिक्सेल १०८० x २५०० आहेत. डिव्हाइसचा रिफ्रेश रेट १२० hz आहे, जे स्क्रोलिंग आणि गेमिंग सुधारते. तसेच ,या स्मार्टफोनमध्ये क्वालकॉम स्नॅपड्रॅगन ७७८ G चिपसेट देण्यात आला आहे, जो १२ GB LPDDR4x रॅमसह येतो. यात २५६ GB पर्यंत UFS ३.१ स्टोरेज देण्यात आले असून ४५०० mAh ची बॅटरी देखील आहे. जी ५५ W जलद चार्जिंगसह येते. कनेक्टिव्हिटीबद्दल बोलायचे तर, यात ड्युअल सिम सपोर्ट आहे. वायफाय ८०२.११ ax, ब्लूटूथ ५.२ एनएफसी, यूएसबी टाइप सी, इन-डिस्प्ले फिंगरप्रिंट स्कॅनर आणि डॉल्बी एटमॉस सपोर्ट देण्यात आला आहे. सोबतच, ३.५ मिमी ऑडिओ जॅक देखील मिळेल. Xiaomi CIVI : कॅमेरा सेटअप Xiaomi CIVI च्या कॅमेरा सेटअपबद्दल सांगायचे तर, मागील पॅनलवर ६४ मेगापिक्सलचा प्रायमरी कॅमेरा आहे, जो अल्ट्रा वाइड अँगल लेन्स आहे आणि १२० डिग्री फील्ड व्ह्यू कॅप्चर करू शकतो. यात २ मेगापिक्सलचा मॅक्रो कॅमेरा आहे. समोर ३२ मेगापिक्सलचा सेल्फी कॅमेरा देण्यात आला आहे, जो सॅमसंग जीडी १ सेन्सर आहे. विशेष म्हणजे, हा फ्रंट कॅमेरा ऑटोफोकस, ड्युअल सॉफ्ट एलईडी फ्लॅश आणि स्किन रिन्युअल तंत्रज्ञानासह येतो. Xiaomi CIVI ची किंमत: Xiaomi CIVI तीन प्रकारांमध्ये लाँच करण्यात आला आहे. सुरुवातीच्या प्रकाराची किंमत २५९९ युआन (सुमारे २९,६५० रुपये) आहे. तर, दुसऱ्या प्रकारात ८ जीबी रॅम आणि २५६ जीबी स्टोरेज मिळते, ज्याची किंमत युआन २८९९ (सुमारे ३३,०७५ रुपये) आहे. तिसरा प्रकार १२ जीबी रॅम आणि २५६ जीबी स्टोरेजसह येतो, ज्याची किंमत युआन ३१९९ (अंदाजे ३६,४९८ रुपये) असून हा फोन हलका निळा, चमकदार काळा आणि गुलाबी रंगात येतो. वाचा: वाचा: वाचा:

from Latest Mobile Phones: Mobile News, Latest Mobile News in Marathi | Maharashtra Times https://ift.tt/3AGf249