मस्तच! 'या' अॅपद्वारे होणार आता पोलिसांच्या बदल्या

म. टा. प्रतिनिधी, पुणे पुणे पोलिस आयुक्तालयातील अंतर्गत बदल्यांसाठी ‘जनरल ट्रान्सफर पोलिस मॅनेजमेंट सिस्टीम’ नावाचे अॅप विकसित करण्यात आले आहे. बदल्या पारदर्शक पद्धतीने करण्यासाठी या अॅपचा उपयोग केला जाणार आहे. पदनिहाय व कामनिहाय बदल्यांच्या नोंदी होणार असल्यामुळे कामातील अडचणीदेखील दूर करण्यास मदत होणार आहे. वाचाः विशिष्ट कार्यकाळ पूर्ण केलेल्या पोलिसांच्या प्रत्येक वर्षी नियमीत बदल्या केल्या जातात. काही पोलिसांच्या बदल्या विनंतीवरून केल्या जातात. या बदल्यांमध्ये पारदर्शकता यावी; तसेच पोलिस ठाण्यांना योग्य कर्मचारी मिळावे म्हणून पोलिस आयुक्त अमिताभ गुप्ता यांच्या सूचनेनुसार नवीन अॅप बनविण्यात आले आहे. त्यानुसार अतिरिक्त आयुक्त जालिंदर सुपेकर, उपायुक्त स्वप्ना गोरे यांच्या पथकाने हे अॅप तयार करून घेतले आहे. या वर्षी कार्यकाळ पूर्ण केलेल्या १३०० पोलिसांच्या नियमित बदल्या केल्या जाणार असून, साडेसातशे पोलिसांनी विनंती बदल्यासाठी अर्ज केला आहे. या सर्व बदल्या अॅपच्या माध्यमातून केल्या जाणार आहेत. वाचाः पोलिस ठाण्यांचा केला अभ्यास शहरातील पोलिस ठाण्यांना स्थापनेच्या वेळी मंजूर असलेले मनुष्यबळ आताही तेवढेच आहे. पण, बऱ्याच पोलिस ठाण्यांची सध्याची परिस्थिती बदलली आहे. त्यामुळे शहरातील पोलिस ठाण्यांचा अभ्यास करून त्यांना किती मनुष्यबळाची आवश्यकता आहे, त्या ठिकाणी किती पोलिस देण्यात आले आहेत, किती जागा रिक्त आहेत, याचा अभ्यास करण्यात आला आहे. हा सर्व डेटा अॅपमध्ये भरण्यात आला आहे. पोलिस कर्मचाऱ्यांच्या बदल्यांमध्ये पारदर्शकता आणण्यासाठी ‘जीटीपीएमएस’ प्रणालीचा वापर करण्यात येणार आहे. सॉफ्टवेअरच्या माध्यमातून कर्मचाऱ्यांच्या बदलीमुळे पारदर्शकता वाढण्यास मदत होणार आहे. - अमिताभ गुप्ता, पोलिस आयुक्त, पुणे

from Science & Technology News: Science News Updates, Science Technology News in Marathi | Maharashtra Times https://ift.tt/34gnvwu