मोटोरोलाचा नवा फोन आला, १५ हजारांचा डिस्काउंट

नवी दिल्लीः भारतात ३१ मे पर्यंत लॉकडाऊन आहे. लॉकडाऊन सुरू असले तरी केंद्र सरकारने मोबाइल कंपन्यांना काही अटीवर मोबाइलची विक्री करण्यास परवानगी दिल्यानंतर आता भारतात मोबाइल कंपन्या आपले फोन लाँचिंग करीत आहेत. आज कंपनीने आपला खास स्मार्टफोन भारतात लाँच केला आहे. Motorola Edge+ स्मार्टफोनला भारतात एका ऑनलाइन कार्यक्रमातून लाँच करण्यात आले आहे. लाँच करण्यात आल्यानंतर हा फोन भारतात ई-कॉमर्स साईट फ्लिपकार्टवर विक्रीसाठी उपलब्ध करण्यात आला आहे. या फोनमध्ये १०८ मेगापिक्सलचा कॅमेरा आणि लेटेस्ट क्वॉलकॉम प्रोसेसर देण्यात आला आहे. वाचाः Motorola Edge+ ची किंमत-फीचर्स मोटोरोलाने गेल्या काही दिवसात ग्लोबल बाजारात लेटेस्ट सीरिज लाँच केली होती. या सीरिज अंतर्गत टॉप ऑफ द लाइन डिव्हाइसला भारतात लाँच करण्यात आले आहे. १२ जीबी रॅम आणि २५६ जीबी स्टोरेजच्या या फोनची किंमत भारतात ८९ हजार ९९९ रुपये आहे. परंतु, फ्लिपकार्ट या फोन खरेदीवर १५ हजारांचा डिस्काउंट देत आहे. त्यामुळे हा फोन ७४ हजार ९९९ रुपयांच्या किंमतीत खरेदी करता येवू शकतो. हा फोन फ्लिपकार्टवर संग्रिया आणि थंडर ग्रे या दोन रंगात खरेदी करता येऊ शकतो. या फोनवर मिळणाऱ्या १५ हजार फ्लॅट डिस्काउंटशिवाय फ्लिपकार्टवर अॅक्सिस बँक क्रेडिट कार्डवरून पेमेंट केल्यानंतर ५ टक्के अनलिमिटेड कॅशबॅक मिळत आहे. तसेच आयसीआयसीआय बँक क्रेडिट कार्ड आणि ईएमआय ट्रान्झॅक्शनवर ७५०० रुपयांचा डिस्काउंट दिला जात आहे. फोन १२ महिन्यांपर्यंत २५६४ रुपयांच्या ईएमआयवर खरेदी करता येऊ शकतो. Motorola Edge+ ची वैशिष्ट्ये मोटोरोलाच्या नवीन स्मार्टफोनचा कॅमेरा आणि डिस्प्ले दोन्ही खास आहेत. यात एक ३.५ एमएमचा हेडफोन जॅक सुद्धा दिला आहे. फोनमध्ये ६.७ इंचाचा HD+ OLED कर्व्ड डिस्प्ले दिला आहे. याचे रिफ्रेश रेट 90Hz दिला आहे. हे HDR10+ सपोर्टसोबत येतो. डिस्प्ले कर्व्ड असल्याने या फोनच्या दोन्ही साईड्सला कोणतेही बेजल्स दिसत नाहीत. सेल्फीसाठी या फोनमध्ये पंच होल टॉप लेफ्ट कॉर्नर दिला आहे. तसेच या फोनमध्ये लेटेस्ट स्नॅपड्रॅगन ८६५ प्रोसेसर दिला आहे. वाचाः वाचाः

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2zbt6rJ