व्होडाफोनच्या 'या' प्लानमध्ये आता दोन महिन्यांची वैधता

नवी दिल्लीः करोना व्हायरसमुळे देशभरात लॉकडाऊनची घोषणा करण्यात आली आहे. या निर्णयामुळे लोकांना आता घरातून काम करावे लागत आहे. लोकांना आपल्या नातलगांना भेटणे या काळात शक्य नाही. त्यामुळे अनेक जण फोनवरून बोलत आहेत. त्यामुळे टेलिकॉम कंपन्यांनी स्वस्तातील प्लान लाँच केले आहेत. लोकांना संवाद साधण्यासाठी अडचण येवू नये, यासाठी कंपनीने हा निर्णय घेतला आहे. आता व्होडाफोनने आपल्या युजर्संसाठी एक नवीन मस्त प्लान आणला आहे. ९५ रुपयांचा प्लान असून या प्लानमध्ये मोठी वैधता देण्याची घोषणा कंपनीकडून करण्यात आली आहे. व्होडाफोनचा ९५ रुपयांचा प्लान असून या प्लानध्ये युजर्संना ५६ दिवसांची वैधता मिळणार आहे. तसेच या पॅकमध्ये २०० एमबी डेटासह कॉलिंगसाठी ७४ रुपयांचा टॉकटाईम मिळणार आहे. हा प्लान कंपनीने बिहार, केरळ, चेन्नई, मध्य प्रदेश, मुंबई आणि तामिळनाडू सर्कलमध्ये लाँच करणार आहे. या आधी या प्लानची वैधता केवळ २८ दिवसांची होती. टॉकटाइम आणि ५०० एमबी डेटा दिला जात होता. विशेष म्हणजे, कंपनीने हा प्लान गेल्या वर्षी लाँच केला होता. व्होडाफोनचा १२९ रुपयांचा प्लान असून याची वैधता १४ दिवसांची आहे. परंतु, कंपनी युजर्संना २ जीबी डेटा, ३०० मेसेज सह कोणत्याही नेटवर्कवर अनलिमिटेड कॉलिंगची सुविधा दिली जात आहे. तसेच व्होडाफोनचा १९९ रुपयांचा प्लान आहे. ज्यात युजर्संना १ जीबी डेटा आणि १०० एसएमएस दिला जात आहे. तसेच कोणत्याही नेटवर्कवर अनलिमिटेड कॉलिंग आणि प्ले आणि झी ५ च्या अॅपचे फ्री सब्सक्रिप्शन दिले जात आहे. या प्लानची वैधता २१ दिवसांची आहे. या दोन्ही प्लानला आयडिया युजर्संही रिचार्ज करू शकतात.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/33Vt3va