दीड मिनिटात रेडमी नोट ९ प्रो 'आउट ऑफ स्टॉक'

नवी दिल्लीः शाओमीचा रेडमी नोट प्रोचा आज पहिला सेल आयोजित करण्यात आला होता. रेडमीच्या या फोनला भारतात जबरदस्त प्रतिसाद मिळाला. अवघ्या ९० सेकंदात म्हणजे दीड मिनिटात हा स्मार्टफोन आउट ऑफ स्टॉक झाला आहे, असा कंपनीने दावा केला आहे. या स्मार्टफोनचा सेल , होम आणि Mi स्टूडियो स्टोर्स वर करण्यात आला. शाओमी इंडियाचे व्यवस्थापकीय संचालक मनू कुमार जैन यांनी ट्विट करून याची माहिती दिली. अॅमेझॉनवर करण्यात आलेला सेल फक्त ९० मिनिटात आउट ऑफ स्टॉक झाला असून या फोनचा पुढचा सेल २४ मार्च रोजी होणार असल्याचे कंपनीने म्हटले आहे. मनू कुमार जैन यांनी या स्मार्टफोनच्या सेलची पुढची तारीख जाहीर केली आहे. स्मार्टफोनची तीन रंगात उपलब्ध आहे. या सेलमध्ये एचडीएफसी बँक कार्ड्सवरून फोन खरेदी केल्यास तसेच ईएमआय ट्रान्झक्शनवर १ हजार रुपयांची सूट दिली. तसेच २९८ आणि ३९८ रुपयांच्या अनलिमिटेड पॅक्सवर एअरटेल ४जी डबल डेटा देण्यात आला. Redmi Note 9 Pro ची खास वैशिष्ट्ये रेडमी नोट ९ प्रोच्या ४ जीबी रॅम प्लस ६४ जीबी स्टोरेजच्या फोनची किंमत १२ हजार ९९९ रुपये आहे. तर ६ जीबी रॅम प्लस १२८ जीबी स्टोरेजच्या फोनची किंमत १५ हजार ९९९ रुपये आहे. या फोनला अॅमेझॉन इंडिया, एमआय होम स्टोर्स, एमआय डॉट कॉम वरून खरेदी करता येऊ शकते. हा स्मार्टफोन ऑरोरा ब्लू, ग्लेसियर व्हाइट आमि इंटरस्टेलर ब्लॅक या तीन रंगात उपलब्ध करण्यात येणार आहे. मध्ये क्वॉलकॉम स्नॅपड्रॅगन ७२० जी प्रोसेसर देण्यात आला आहे. या फोनमध्ये ४८ मेगापिक्सलचा प्रायमरी कॅमेऱ्यासह क्वॉड कॅमेऱ्याचा सेटअप दिला आहे. याशिवाय या फोनमध्ये ५ मेगापिक्सलचा मायक्रो आणि १६ मेगापिक्सलचा इन डिस्प्ले कॅमेरा दिला आहे. या फोनमध्ये ६.६७ इंचाचा फुल एचडी प्लस डिस्प्ले दिला असून सुरक्षेसाठी कॉर्निंग गोरिला ग्लास ५ दिला आहे. रेडमी नोट प्रो मॅक्सप्रमाणे नोट ९ प्रोमध्येही ५०२० एमएएच क्षमतेची बॅटरी देण्यात आली आहे. फोनच्या फास्ट चार्जिंगसाठी १८ वॅटचा चार्जर दिला आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2IQ7wuj