करोना व्हायरसः अॅमेझॉनची भारतातील सेवा बंद

नवी दिल्लीः करोना व्हायरसची भीती पसरल्याने ई-कॉमर्स साइट अॅमेझॉनने आपली भारतातील काही सेवा बंद केली आहे. गरजेच्या वस्तू सोडल्या तर बाकी उर्वरीत वस्तूंची ऑर्डर आता मिळणार नाही, असे कंपनीने म्हटले आहे. कंपनीने डिलिव्हरी सिस्टम बंद केली आहे. यांनी काल २१ दिवसांसाठी देशभरात करण्याची घोषणा केल्यानंतर अॅमेझॉनने हा निर्णय घेतला आहे. अॅमेझॉनच्या अधिकृत ब्लॉगमधील पोस्टच्या महितीनुसार, पॅकेज्ड फूड, हेल्थकेअर, हायजिन आणि पर्सनल सेफ्टी प्रोडक्टची ऑर्डर घेण्यात येणार आहे. तसेच या उत्पादनाची डिलिव्हरी करण्यात येईल. करोना व्हायरसमुळे जगभरातील उद्योग क्षेत्राला जबर फटका बसला आहे. ऑटो क्षेत्रापासून ते मोबाइल क्षेत्रांना याचा फटका बसला आहे. करोना व्हायरसमुळे ई-कॉमर्स साइट फ्लिपकार्टने एक मोठा निर्णय घेतला आहे. फ्लिपकार्टने आपली सेवा पुढील सूचना मिळेपर्यंत बंद केली आहे. फ्लिपकार्टच्या साइटवर एक मेसेज येत आहे. ज्यावर लिहिलेय की, आम्ही आमची सेवा तात्पुरती बंद केली आहे. कारण, आमचा प्रयत्न आहे, आम्ही लवकरच परत येवू. फ्लिपकार्टने लिहिलेय, सध्याची परिस्थिती खूप कठीण आहे. याआधी असे कधीच घडले नाही. आमची तुम्हाला विनंती आहे, की तुम्हीही तुमच्या घरात सुरक्षित राहा. आम्ही लवरकच परत येवू, असे म्हटले आहे. पंतप्रधान नरेंद्र मोदी यांनी मंगळवारी करोना व्हायरसपासून देशाला वाचविण्यासाठी पुढच्या २१ दिवसांसाठी 'भारत लॉकडाऊन'ची घोषणा केलीय. काल मंगळवारीच्या मध्यरात्रीपासून या लॉकडाऊनची अंमलबजावणी सुरू झाली आहे. या दरम्यान, पुढचे २१ दिवस कोणत्या सेवा सुरू राहणार आहेत. करोना व्हायरसमुळे देशभरातील अनेक शहरात लॉकडाउन करण्यात आले आहे. त्यामुळे कंपन्यांतील असंख्य कर्मचाऱ्यांना आता वर्क फ्रॉम होम करावे लागत आहे. करोना व्हायरसचा फटका जवळपास सर्वच क्षेत्रांना बसला आहे. जगभरातील ऑटो क्षेत्रासह भारतातील ऑटो क्षेत्रालाही फटका बसला आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/3brEvB8