मोटोचा फोन भारतात लाँच; किंमत १२४९९९ ₹

नवी दिल्लीः मोटोरालाचा (Motorola) लेटेस्ट फोल्डेबल हँडसेट मोटो रेजर () आज भारतात लाँच करण्यात आला. युजर्संना या फोनमध्ये पॉवरफुल कॅमेरा, प्रोसेसर आणि दमदार बॅटरी मिळाली आहे. कंपनीने याआधी मोटो रेजर फीचर फोन भारतात लाँच केला होता. त्याला प्रचंड प्रतिसाद मिळाला होता. मोटोरोलाचा हा फोल्डेबल फोन अधिकृत वेबसाइट आणि ई-कॉमर्स साइट फ्लिपकार्टवरून खरेदी करता येवू शकेल. मोटोरोलाच्या ६ जीबी रॅम प्लस १२८ जीबी स्टोरेच्या फोनची किंमत १ लाख २४ हजार ९९९ रुपये ठेवण्यात आली आहे. या फोनची प्री बुकिंग फ्लिपकार्ट आणि कंपनीची अधिकृत साइटवर सुरू झाली आहे. हा फोन २ एप्रिलपासून खरेदी करता येवू शकतो. रेजर फोल्डेबल फोन Noir ब्लॅक रंगात उपलब्ध करण्यात आला आहे. तर या फोनच्या खरेदीवर सिटी बँकेच्या डेबिट कार्ड आणि क्रेडिट कार्डवरून खरेदी केल्यास युजर्संना १० हजार रुपयांचा कॅशबॅक मिळणार आहे. तसेच जिओ युजर्संना या फोनच्या खरेदीवर ४ हजार ९९९ रुपयांच्या प्लानवर १.४ टीबी डेटा मिळणार आहे. ग्राहकांसाठी ७ हजार ९९९ रुपयांचा वन टाइम स्क्रीन रिप्लेसमेंट स्कीम उबलब्ध आहे. कंपनीने या फोनमध्ये clamshell आणि फ्लिपची डिझाइन दिली आहे. तसेच युजर्संना या फोनमध्ये ६.२ इंचाचा ओएलईडी डिस्प्ले मिळणार आहे. या फोनचे रिझॉल्यूशन ८७६x२१४२ पिक्सल आहे. फोल्ड झाल्यानंतर या फोनची स्क्रीन साइज २.७ इंचाची होते. युजर्संना या डिस्प्लेमध्ये सेल्फी क्लिक करता येवू शकणार आहे. यात मेसेज नोटिफिकेशनसह म्युझीक कंट्रोल करण्याची सुविधा आहे. या फोनच्या परफॉरमन्ससाठी ऑक्टा-कोर क्वॉलकॉम स्नॅपड्रॅगन ७१० एसओसी आणि सहा जीबी रॅम देण्यात आला आहे. मोटोरोलाने या फोनमध्ये १६ मेगापिक्सलचा प्रायमरी शूटर कॅमेरा दिला आहे. तसेच युजर्सना यात नाइट मोड व्हिजन मोड मिळणार आहे. त्यामुळे रात्रीच्या अंधारात जबरदस्त फोटो काढता येवू शकतो. तसेच फोनमध्ये एआय देण्यात आला आहे. तेसच फोनमध्ये फ्रंटला पाच मेगापिक्सलचा फ्रंट कॅमेरा दिला आहे. कंपनीने या फोनमध्ये ४जी एलईटी, ब्लूटूथ, वायफाय, जीपीएस आणि यूएसबी टाइप सी पोर्ट यासारखी सुविधाची फीचर्स दिली आहे. या फोनमध्ये २,५१० एमएएच क्षमतेची बॅटरी आणि १५ वॅट फास्ट चार्जिंगचा सपोर्ट देण्यात आला आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/3b00HCe