नवी दिल्लीः रिलायन्स जिओ, एअरटेल आणि व्होडाफोन आयडिया कंपन्यांनी युजर्संना आकर्षित करण्यासाठी एकापेक्षा एक जबरदस्त प्रीपेड प्लान आणले आहेत. दररोज जास्त डेटा देणारे प्लान सध्या ग्राहकांच्या पसंतीस उतरले आहेत. या प्लानमध्ये ग्राहकांना दररोज ३ जीबी डेटा मिळत आहेत. एअरटेल एअरटेलचा ३९८ रुपयांच्या प्लानमध्ये दररोज ग्राहकांना ३ जीबी डेटा मिळतो. २८ दिवसांची वैधता असलेल्या या फोनमध्ये कोणत्याही नेटवर्कवर अनलिमिटेड कॉलिंगची ऑफर आहे. या प्लानचे खास वैशिष्ट्ये म्हणजे यात विंक म्युझीक, एअरटेल एक्स्ट्रीम प्रीमियम अॅपचे फ्री सब्सक्रिप्शन मिळते. तसेच सब्सक्राइब्सना FASTag खरेदीवर १५० रुपयांचा कॅशबॅक दिला जातो. ३जीबी डेटा ऑफर करणारा एअरटेलचा दुसरा प्लान ५५८ रुपयांचा आहे. ५६ दिवसांची वैधता या प्लानमध्ये मिळते. व्होडाफोन ३ जीबी डेटा मिळणाऱ्या प्लानमध्ये व्होडाफोनचा ३९८ रुपयाचा प्लान आहे. २८ दिवसांची वैधता असलेला हा प्लान ट्रू अनलिमिटेड कॉलिंगसह १०० एसएमएस मिळतात. या प्लानमध्ये व्होडाफोन प्ले सह जी५ चे फ्री सब्सक्रिप्शन दिले जाते. व्होडाफोनचा ५५८ रुपयांच्या प्लानमध्येही हे सर्व फायदे मिळतात. या प्लानची वैधता ५६ दिवस इतकी आहे. रिलायन्स जिओ जिओ युजर्ससाठी ३ जीबी डेटा साठी ३४९ रुपयांचे रिचार्ज करावे लागते. २८ दिवसांची वैधता असलेल्या या प्लानमध्ये जिओ ते जिओ फ्री कॉलिंग, अन्य नेटवर्कवर कॉलिंगसाठी प्लानमध्ये १००० मिनिट्स दिले जातात. प्लानमध्ये दररोज १०० फ्री एसएमएस दिले जातात. प्लान सब्सक्राइब केल्यानंतर कंपनी जिओ अॅप्सचे कॉम्प्लिमेंट्री सब्सक्रिप्शन दिले जाते.
from Latest Mobile Phones: Mobile News, Latest Mobile News in Marathi | Maharashtra Times https://ift.tt/31OzEGR
Comments
Post a Comment