चीनः घरात कैद लोकांनी 'असं' स्वतःला व्यस्त ठेवलं

नवी दिल्लीः चीनमध्ये आलेल्या करोना व्हायरसमुळे चीनमधील लोकं घराबाहेर पडत नाही. स्वतःला त्यांनी घरात कैद करून घेतले आहे. घरात कैद असताना व्यस्त राहता यावे यासाठी त्यांनी मोबाइलचा आश्रय घेतला आहे, असा दावा एका टेक कंपनीने आपल्या रिपोर्टमध्ये केला आहे. केवळ आठवडाभरात चीनमधील लोकांनी जवळपास २२ कोटी डाउनलोड केल्याचा दावा या कंपनीने केला आहे. चीनमधील करोना व्हायरसच्या लागणमुळे तेथील कारखाने बंद पडले आहेत. लोकांच्या हाताना काम नाही. भीतीमुळे लोकं घराबाहेर पडत नाही. त्यांनी स्वतःला कैद करून घेतले आहे. बाहेर पडण्याऐवजी घरात व्यस्त राहता यावे यासाठी लोकांनी २२ कोटी अॅप डाउनलोड केले आहेत. ते मोबाइलवर गेम्स खेळत आहेत, असा दावा या कंपनीने केला आहे. अॅपचे विश्लेषण करणाऱ्या एका टेक कंपनीने हा दावा केला आहे. चीनमध्ये २ ते ८ फेब्रुवारी दरम्यान केवळ अॅपल स्टोरमधील रेकॉर्डनुसार, २२.२ कोटीहून अधिक अॅप डाउनलोड करण्यात आले आहेत. २०१९ या वर्षात एका आठवड्यात सर्वात जास्त डाउनलोड करण्याचा विक्रम नोंदवला गेला आहे. डाउनलोडच्या तुलनेत ४० पट अधिक ही संख्या झाली आहे. विविध अॅप्समध्ये गेम्सची संख्या सर्वाधिक असल्याचेही या रिपोर्टमध्ये म्हटले आहे. एका आठवड्यात सर्वाधिक अॅप डाउनलोड झाले ही आश्चर्याची बाब नाही. लोकांकडे सध्या काम नाही. ते घराबाहेर पडत नाही. घरात कैद असल्याने मनोरंजन म्हणून त्यांनी अॅप्स डाउनलोड केले आहेत. सुट्टी असल्यास लोकं मोबाइल अॅपवर जास्त सक्रीय होत असतात. त्यामुळे मोबाइल अॅपची डाउलोड संख्या वाढली आहे. सध्या मोबाइल गेम जास्त आकर्षक आहेत. यात एकासोबत अनेक जण खेळू शकतात. व्हाइस चॅटची सुविधा असते. ऑनलाइन व्हर्च्युअल गेम आता वेगाने सोशल नेटवर्किंगवर वाढत आहेत. गेम्स शिवाय घरातील लोक व्हिडिओ कॉल आणि फोन कॉलमध्येही मोठी वाढ झाली आहे. लोक एकमेकांना मोठ्या प्रमाणात कॉल करीत आहेत, असेही या रिपोर्टमध्ये म्हटले आहे.

from Science & Technology News: Science News Updates, Science Technology News in Marathi | Maharashtra Times https://ift.tt/2TnObpa