नवी दिल्ली : सॅमसंगने अखेर आपला बहुप्रतिक्षित गॅलक्सी नोट १० लाइट स्मार्टफोनची घोषणा केली आहे. हे बहुप्रतिक्षित Galaxy Note १० या फोनचं लाइट व्हर्जन आहे. सॅमसंगने अजून या फोनच्या किंमतीची घोषणा केलेली नाही. हा फोन ६ जीबी रॅम आणि १२८ जीबी स्टोरेज, ८ जीबी रॅम आणि १२८ जीबी स्टोरेज या दोन व्हेरिएंटमध्ये उपलब्ध असेल. यामध्ये ऑरा ग्लो, ऑरा ब्लॅक आणि ऑरा रेड हे कलर पर्याय मिळणार आहेत. ७ जानेवारीला सीईएस २०२० मध्ये या फोनची किंमत जाहीर केली जाऊ शकते, असा अंदाज लावला जात आहे. या फोनमध्ये ३९४ पीपीआय पिक्सल डेन्सिटीसह ६.७ इंच आकाराचा फुल एचडी प्लस इनफिनिटी-O सुपर AMOLED डिस्प्ले देण्यात आला आहे. ही डिझाईन गॅलक्सी नोट १० शी मिळतीजुळती आहे. मात्र कॉर्नर जास्त राऊंडेड स्वरुपात आहेत. हा फोन बीएलई म्हणजे ब्लूटूथ लो एनर्जीला लिंक करता येतो. यामध्ये मल्टीमीडिया कंट्रोल, फोटो क्लिक आणि एअर कमांड्स यांसारखे फीचर्स देण्यात आले आहेत. गॅलक्सी नोट १० लाइटमध्ये २.७GHz स्पीडचा १० एनएम ऑक्टा कोअर प्रोसेसर आहे. या प्रोसेसरचं नाव अजून जाहीर करण्यात आलेलं नाही. या फोनमध्ये ट्रिपल रिअर कॅमेरा सेटअपही मिळणार आहे. मॉड्यूल स्क्वेअर शेपचा हा कॅमेरा असेल. यात ड्युअल पिक्सल ऑटोफोकस, f/1.7 अपर्चर आणि OIS सह १२ मेगापिक्सेल प्रायमरी कॅमेरा आहे. याशिवाय १२ मेगापिक्सेल वाइड अँगल कॅमेरा आणि १२ मेगापिक्सेल टेलिफोटो कॅमेराही आहे. टेलिफोटो कॅमेऱ्यात स्टेबिलायझेशनसाठी ओआयएस सपोर्ट असेल. तर सेल्फीसाठी ३२ मेगापिक्सेल फ्रंट कॅमेरा देण्यात आला आहे. साठी सुपर फास्ट चार्जिंग सपोर्टेड ४५०० mAh क्षमतेची बॅटरी देण्यात आली आहे. याशिवाय इन-डिस्प्ले फिंगरप्रिंट सेन्सर आहे.
from Latest Mobile Phones: Mobile News, Latest Mobile News in Marathi | Maharashtra Times https://ift.tt/2QNTI79
Comments
Post a Comment