'पॉपअप सेल्फी कॅमेरा' असणारा स्वस्त आणि मस्त फोन!

नवी दिल्ली चीनची स्मार्टफोन कंपनी ऑनरने भारतात एक्स-सीरिजमधील नवा स्मार्टफोन बाजाराज दाखल केला आहे. तब्बल ४८ मेगापिक्सेलसह ट्रिपल रिअर कॅमेरा सेटअप आणि पॉप-अप सेल्फी कॅमेरा हे या फोनचं वैशिष्ट्य आहे. सेल्फी कॅमेराचं वाढतं प्रस्थ लक्षात घेता 'पॉप-अप कॅमेरा' असणारा स्वस्त आणि मस्त स्मार्टफोन कंपनीने बाजारात दाखल केला आहे. भारतात या स्मार्टफोनची किंमत १३,९९९ रु. इतकी आहे. ऑनर स्मार्टफोन्समध्ये एक्स-सीरिज ही भारतातील सर्वात प्रसिद्ध स्मार्टफोन सीरिज आहे. Honor 9x ची किंमत आणि ऑफर ऑनर ९ एक्स स्मार्टफोन बाजारात दोन प्रकारात उपलब्ध आहे. पहिल्या प्रकारात ४ जीबी रॅम, १२८ जीबी स्टोरेज असणार आहे. तर दुसऱ्या प्रकारात ६ जीबी रॅम, १२८ जीबी स्टोरेज देण्यात आले आहे. ४ जीबी रॅम असणाऱ्या फोनची किंमत १३,९९९ रुपये, तर ६ जीबी रॅम असणारा फोन १६,९९९ रुपयांत विकत घेता येणार आहे. येत्या १९ जानेवारीपासून ग्राहकांना हा फोन बाजारात उपलब्ध होणार आहे. याशिवाय, तुमच्याकडे ICICI आणि Kotak Mahindra बँकेचे कार्ड असेल तर या फोनवर १० टक्के सवलत देखील मिळणार आहे. इतकच नाही, तर स्मार्टफोन सेलच्या पहिल्या दिवसी ४ जीबी रॅम असणाऱ्या फोनवर १ हजार रुपयांची सूट देखील दिली जाणार आहे. Honor 9x चे फिचर्स ६.५० इंचाचा मोठा डिस्प्लेसोबत ड्यूल थ्री-डी बॅक पॅनेल या फोनला देण्यात आले आहे. 3.5 mm हेडफोन जॅक आणि यूएसबी टाइप-सी पोर्ट देण्यात आलं आहे. निळा आणि काळ्या अशा दोन रंगात हा फोन उपलब्ध आहे. याशिवाय, ऑक्टा-कोअर HiSilicon Kirin 710F प्रोसेसर फोनमध्ये आहे. ४८ मेगापिक्सेलचा ट्रिपल रिअर कॅमेरा सेटअप असणारा ऑनरच्या x सीरिजचा हा पहिलाच स्मार्टफोन आहे. तीन कॅमेरांमध्ये ४८ मेगापिक्सेलचा एक सेंसर, २ मेगापिक्सेलचा डेप्थ सेंसर आणि ८ मेगापिक्सेलचा वाइड-एँगल सेंसर अशी वर्गवारी करण्यात आली आहे. समोरील बाजूनं वर येणारा अर्थात पॉप अप कॅमेरा असणारा ऑनरचा हा पहिलाच स्मार्टफोन आहे. फोनला 4,000mAh क्षमतेची बॅटरी देण्यात आली आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2Tm29cE