उभा आडवा कसाही पाहा सॅमसंगचा 'हा' टीव्ही

नवी दिल्ली: मागील काही काळापासून स्मार्ट टीव्ही बरेच बदल झाले आहेत. स्मार्ट टीव्हीच्या वाढत्या मागणीमुळे टीव्ही कंपनीदेखील वेगवेगळे तंत्रज्ञान विकसित ग्राहकांना आकर्षित करण्याचा प्रयत्न करत आहेत. दक्षिण कोरियाच्या सॅमसंगने आता आपला नवीन टीव्ही सादर केला आहे. हा टीव्ही इतर टीव्हींपेक्षा जरा हटके आहे. सेरो टीव्ही म्हणून हा सॅमसंगचा नवा टीव्ही लाँच झाला आहे. हा टीव्ही उभा, आडवा कसाही पाहता येणार आहे. या टीव्हीचा आकार ४३ इंचाचा असून ४के रिझॉल्यूशन आहे. स्मार्टफोनसारखा पाहा टीव्ही टिकटॉक आणि इन्स्टाग्रामवरील व्हिडिओ स्मार्टफोनपेक्षाही मोठ्या स्क्रीनवर पाहण्याची इच्छा असणाऱ्या ग्राहकांची पसंती सॅमसंग सेरो टीव्हीला मिळण्याची शक्यता आहे. ग्राहकांना आपल्या गरजेनुसार हा टीव्ही फिरवता येणे शक्य आहे. ४.१ चॅनल ६० वॉट स्पीकर सिस्टम सेरो टीव्हीमध्ये नॉन-रिमुव्हबेल स्टॅण्ड देण्यात आला आहे. या स्टॅण्डमध्ये तुम्हाला ४.१ चॅनल असणार ६० वॉटचा स्पीकर सिस्टीम मिळणार आहे. टीव्ही उभा-आडवा फिरवला तरी जमिनीला टीव्ही लागणार नाही अशा पद्धतीने स्टॅण्ड आणि टीव्हीचा आकार बनवण्यात आला आहे. गॅलेक्सी स्मार्टफोन आणि आयफोनसाठी खास सपोर्ट जर तुम्ही सॅमसंग गॅलेक्सी स्मार्टफोन युजर्स असाल तर हा टीव्ही पाहणे तुमच्यासाठी चांगला अनुभव देणार असू शकतो. गॅलेक्सी स्मार्टफोनला सेरो टीव्हीच्या फ्रेमवर टॅप केल्यास त्वरीत स्क्रीन मिररींग सुरू होईल. तर, आयफोन युजर्सना या टीव्हीमध्ये एअरप्ले२ चा पूर्ण सपोर्ट मिळेल. आयफोन युजर्सना पोट्रेट मोडमध्ये आणण्यासाठी टीव्हीसोबत देण्यात आलेला खास रिमोटचा वापर करावा लागेल. या टेलिव्हिजनला र्व्हच्युअल असिस्टेंट Bixby ने कंट्रोल करता येईल. किंमत सेरो टीव्हीची विक्री दक्षिण कोरियात करण्यात आली होती. दक्षिण कोरियात याची किंमत १,९५०,००० वॉन (जवळपास एक लाख १९ हजार रुपये) आहे. सॅमसंग लवकरच अमेरिकेसह इतर देशांच्या बाजारपेठेत लाँच करणारआहे. भारतीय बाजारपेठेतील या टीव्हीच्या एन्ट्रीबाबत सध्या कोणतीही घोषणा करण्यात आली नाही.

from Science & Technology News: Science News Updates, Science Technology News in Marathi | Maharashtra Times https://ift.tt/2QVLUAq