पॉर्न पाहताना हॅकर्सकडून व्हिडिओ रेकोर्डिंग

नवी दिल्ली: इंटरनेट युजर्सना गंडवण्यासाठी हॅकर्स अनेक वेगवेगळ्या प्रकारचे मार्ग काढतात. आता आणखी एक नवीन प्रकार समोर आला आहे. युजर्स पॉर्न पाहत असताना त्याचे रेकोर्डिंग हॅकर्स करत आहेत. या रेकोर्डिंगच्या आधारे युजर्सना धमकावण्यात येत आहे. पॉर्न पाहत असताना पॉर्नशी संबंधित अनेक लिंकचा वापर करून यापूर्वीदेखील हॅकर्स युजर्सची फसवणूक करत होते. आता मात्र, नवनवीन पद्धती हॅकर्सकडून वापरण्यात येत आहे. ई-मेल सुरक्षा पूर्वीपेक्षा अधिक बळकट करण्यात आल्यामुळे हॅकर्स इतर पर्याय वापरत आहेत. पॉर्न पाहणारे युजर्स हे हॅकर्सचे सॉफ्ट टारगेट असल्याचे सायबर तज्ञांनी सांगितले. अशी उकळतात खंडणी पॉर्न पाहत असताना युजर्सचे खासगी फूटेज रेकोर्ड करण्यात येते. त्यानंतर त्यांच्याकडे हे फूटेज सार्वजनिक करण्याची धमकी देत संबंधिताकडून पैसे उकळतात. मागण्यात आलेली रक्कम न दिल्यास तो खासगी व्हिडिओ कुटुंबीयांना, मित्र परिवारांना अथवा इंटरनेटवर व्हायरल करण्याची धमकी हॅकर्स देतात. नुकतेच Bleeping Computers कडून असाच एक मेल भाषांतरीत करण्यात आला आहे. लिंकवरील क्लिकने रॅसमवेअरचा धोका पॉर्न पाहत असताना हॅकर्स संबंधिताला एक पॉवरपॉइंट प्रेझेंटेशन पाठवतात. जेणेकरून पीडित व्यक्तीला आपला व्हिडिओ हॅकरजवळ असल्याची खात्री वाटते. त्यामुळे संबंधित पीडित हॅकरच्या जाळ्यात अडकतो. युजर्सला अशा कोणत्याही ई-मेलवर विश्वास न ठेवण्याचे आणि कोणत्याही लिंकवर क्लिक न करण्याचा सल्ला सायबर तज्ञ देतात. अशा संशयित लिंकवर क्लिक केल्यास रॅसमवेअर इन्स्टॉल होण्याची शक्यता असते.

from Computer News in Marathi: Latest Computer Technology Updates in Marathi | Maharashtra Times https://ift.tt/2SUP89M