सोनीच्या वॉकमॅनचे कमबॅक; 'ही' आहेत वैशिष्ट्ये

मुंबई: कधीकाळी ९० च्या दशकात तरुणाईच्या गळ्यातील ताईत झालेल्या, संगीताची हौस भागवणाऱ्या सोनी वॉकमॅनने बाजारपेठेत पुनरागमन केले आहे. सोनीने आपला नवीन अॅण्ड्राइड लाँच केला आहे. बदलत्या काळानुसार या वॉकमॅनमध्ये बदल करण्यात आले आहेत. यामध्ये ३.६ इंचाचा टच स्क्रिन डिस्प्ले आहे. या वॉकमॅनमध्ये अॅण्ड्रॉइड ९ पाइ ऑपरेटिंग सिस्टम आहे. Sony NW-A105 या वॉकमॅनवर युजर्सना २६ तासांची बॅटरी लाइफ मिळणार आहे. त्याशिवाय या ऑडिओ डिव्हाइसमध्ये ४ जीबी रॅम व १६ जीबी ऑनबोर्ड स्टोरेज देण्यात आले आहे. मायक्रोएसडी कार्डच्या मदतीने त्याला १२८ जीबीपर्यंत वाढवता येऊ शकते. विशेष म्हणजे हा वॉकमॅन गुगल ड्राइव्हलाही सपोर्ट करत असल्यामुळे युजर्सना स्टोरेजची काळजी करण्याची गरज नसल्याचे कंपनीने म्हटले आहे. या वॉकमॅनमध्ये युएसबी टाइप सी-पोर्ट देण्यात आला आहे. हा डिव्हाइस हाय रिझोल्यूशन ऑडिओ सपोर्ट करतो. त्यामुळे गाणी ऐकताना सीडी क्वालिटीपेक्षाही अधिक चांगले स्टुडिओ क्वालिटी साउंडमध्ये गाणी ऐकता येणार आहेत. वायफाय सपोर्टही असणार असून युजर्सना गाणी डाउनलोड करता येणार आहेत. यामध्ये ब्लूटुथ आणि एनएफसीचे ही पर्याय देण्यात आले आहेत. हा नवीन वॉकमॅन DSD ऑडिओ फॉरमेट ११.२ MHzपर्यंत सपोर्ट करतो. त्याशिवाय, या डिव्हाइसमध्ये एस-मास्टर HX डिजीटल एम्प्लिफायर देण्यात आले आहे. किंमत किती? सोनीच्या या नव्या Sony NW-A105 वॉकमॅनची किंमत २३ हजार ९९० रुपये आहे. हा नवीन वॉकमॅन सोनी सेंटर्स आणि ऑफलाइन रिटेल स्टोर्समध्ये खरेदी करता येणार आहे. त्याशिवाय याची ऑनलाइन विक्रीदेखील होणार आहे. संगीतप्रेमींसाठी हा वॉकमॅन बनवण्यात आला असून त्यांची पंसती मिळेल असा विश्वास सोनीने व्यक्त केला आहे.

from Science & Technology News: Science News Updates, Science Technology News in Marathi | Maharashtra Times https://ift.tt/2tHUBqh