१ फेब्रुवारीपासून 'या' फोनवर व्हॉट्सअप कायमचं बंद होणार

नवी दिल्ली : सध्या आपल्या सर्व्हरवरील लोड आणि देखभाल खर्च कमी करण्याचा प्रयत्न करत आहे. विविध व्हर्जनच्या फोनवर व्हॉट्सअप चालवण्यासाठी जो खर्च येतो, तो व्हॉट्सअप कमी करणार आहे. त्यामुळेच १ फेब्रुवारी २०२० पासून अँड्रॉईडच्या ४.०.३ किंवा त्यापूर्वी व्हर्जनवर व्हॉट्सअप सेवा बंद होईल, असं कंपनीने जाहीर केलं आहे. आयओएस ९ साठीही ही सेवा मिळणार नाही. त्यामुळे तुमच्याकडे अजूनही जुना फोन असेल तर व्हॉट्सअप वापरण्यासाठी व्हर्जन अपग्रेड करण्याची गरज आहे. दरम्यान, व्हॉट्सअपच्या या निर्णयाचा फार मोठा फटका बसणार नाही, असंही सांगितलं जात आहे. 91mobiles च्या आकडेवारीनुसार, ९९.६ टक्के अँड्रॉईड फोन हे अपग्रेडेड व्हर्जनमध्ये आहेत. याप्रमाणेच आयओएसचेही ९१ टक्क्यांपेक्षा जास्त आयफोन आयओएस १२ किंवा त्यावरील व्हर्जनवर आहेत. त्यामुळे व्हॉट्सअपच्या निर्णयाचा फटका काही ठराविक ग्राहकांनाच बसणार आहे. व्हॉट्सअपला या निर्णयामुळे कामकाज करणं आणखी सोपं होणार आहे. याशिवाय आपल्या युझर्सना नवनवीन अपडेट्स देणंही आता आणखी सुकर होईल. व्हॉट्सअपकडून सातत्याने नवीन अपडेट्स दिल्या जातात. पण काही युझर्स हे जुन्या व्हर्जनमध्ये असल्यामुळे प्रत्येकाला ही अपडेट देणं शक्य होत नाही. गेल्या काही काळात सायबर हल्ल्यांचं प्रमाणही वाढलं आहे. त्यामुळे प्रत्येकासाठीच लेटेस्ट फोन वापरणं हा चांगला पर्याय आहे. व्हॉट्सअपकडून युजर्सचा अनुभव आणखी सुंदर बनवण्यासाठी सतत नवनवीन फीचर्स दिले जातात. बहुप्रतीक्षित असे डार्कमोड फिचर व्हॉट्सअॅपवर सुरू झाले आहे. काही युजर्सनी या फिचरचा वापरही सुरू केलाय. हे डार्कमोड फिचर सर्व युजर्सपर्यंत पोहोचवण्यासाठी व्हॉट्सअॅपची जोरदार तयारी सुरू आहे, अशी माहिती व्हॉट्सअॅप बीटा अपडेट्स ट्रॅक करणाऱ्या या वेबसाइटने दिलीय. हे डार्कमोड फिचर अँड्राइड बीटा व्हर्जनवर काही दिवसांपूर्वीच उपलब्ध करून देण्यात आलंय.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2Qnzfab