या कंपन्यांचे ब्रॉडबँड प्लान आहेत बेस्ट

नवी दिल्लीः इंटरनेट आता सर्वसामान्यांच्या आयुष्यातील महत्त्वाचे घटक बनले आहे. हाच धागा पकडत आता टेलिकॉम कंपन्यांना युजर्सना हाय-स्पीड इंटरनेट देण्यासाठी नवीन नवीन सुविधा आणत आहेत. हाय-स्पीड इंटरनेट सर्व्हिससाठी ब्रॉडबँड सर्व्हिस सगळ्यात बेस्ट पर्याय आहे. रिलायन्स जिओफायबरमुळं ब्रॉडबँड सर्व्हिसमध्ये अनेक नवीन बदल झाले आहेत. जिओला टक्कर देण्यासाठी इतर कंपन्या युजर्सना १ जीबीपीसपर्यंत इंटरनेट स्पीडचा पर्याय देण्यात येत आहेत. फायबरबरोबच एअरटेल आणि अॅक्ट फायबरनेट युजर्सना हाय-स्पीड आणि लाँग टर्म व्हॅलिटिडी असणारे प्लान ऑफर करत आहेत. इतकंच नव्हे तर, या सेवा युजर्सना ओटीटीचं ही सब्सक्रिप्शन देत आहे. लाँग टर्म व्हॅलिडिटी आणि बेस्ट प्लान ऑफर्स करणाऱ्या तीन कंपन्यांविषयी जाणून घेऊया... एअरटेल फायबर डेटा सर्व्हिस आणि सर्वोत्तम फिचर देण्यासाठी एअरटेलनं अलीकडेच चार प्लान लाँच केले आहेत. एअरटेलच्या या प्लानची किंमत प्रति महिना ७९९ रुपये आहे. ७९९ रुपयांच्या या बेसिक प्लानमध्ये युजर्सना १०० एमबीपीएसचा स्पीड आणि प्रति महिना १५० जीबी डेटा मिळणार आहे. तसंच, एअरटेल एक्सट्रीमचं फ्री सबस्क्रिप्शन मिळणार आहे. या चार प्लानमधील सगळ्यात महागड्या प्लानचे नाव व्हीआयपी आहे. या प्लानसाठी युजर्सना प्रतिमहिना ३,९९९ रुपये भरावे लागणार असून यात १जीबीपीएस स्पीड व अनलिमीटेड डेटा मिळणार आहे. रिलायन्स जिओ फायबर भारतीय ब्राँडबँड सेक्टरमध्ये मागच्या वर्षी एन्ट्री घेतलेल्या जिओ फायबरनं युजर्ससाठी ६ प्लान आणले आहेत. या प्लानचं वैशिष्ट्य म्हणजे यात युजर्सना अनलिमिटेड व्हॉईस कॉलिंगसोबत टीव्ही व्हिडिओ कॉलिंग, कॉन्फ्रेसिंग आणि झिरो लेटेंसी गेमिंग ऑफर करण्यात आली आहे. अॅक्ट फायबर एअरटेल आणि जिओ फायबरच्या बरोबरचं अॅक्ट फायबरनेट युजर्सना बेस्ट ब्रॉडबँड प्लान ऑफर केले आहेत. कंपनीनं ७४९ रुपयांचा अॅक्ट सिल्व्हर प्रोमो पॅक १०० एमबीपीएस स्पीड व ५०० जीबी डेटा देण्यात आला आहे. तसंच, कंपनीच्या सब्सक्रिप्शन पिरीयड युजर्ससाठी १०० जीबी अधिक डेटा देत आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/37E8Tq4