व्हॉटसअॅपमध्ये येणार ही तीन नवीन फिचर्स

नवी दिल्ली: व्हॉटसअॅपमध्ये नवीन तीन फिचर्स येणार आहेत. अॅण्ड्राइड बीटा व्हर्जन २.२०.१४ टेस्टर्ससाठी रोलआउट करणे सुरू झाले आहे. या अपडेटद्वारे तीन नवीन फिचर्स युजर्सला मिळणार आहेत. अपडेट्सबाबत माहिती देणाऱ्या WABetaInfoने सांगितले की, व्हॉट्सअॅप अॅनिमेटेड स्टिकर्स फिचर अधिक चांगले करत आहे. त्याशिवाय डिलीट मेसेजच्या फिचरवर काम सुरू आहे. नुकतेच व्हॉट्स अॅपने आयफोन युजर्ससाठी नवीन फिचर लाँच केला आहे. याच्या मदतीमुळे नवीन आयफोन डिव्हाइसमध्ये iCloud Keychain एनेबल असताना कोणतेही डिटेल्स न सांगता रजिस्टर करता येणार आहे. व्हॉट्सअॅप अॅण्ड्राइड युजर्ससाठीदेखील अशाच पद्धतीचे खास फीचर आणणार आहे. अॅनिमेटेड स्टिकर्स पाठवा व्हॉट्सअॅपवर अॅनिमेटेड स्टिकर्स पाठवता येणार आहेत. अॅनिमेटेड स्टिकर्स अॅपमध्ये प्ले बटणाच्या आयकॉनमध्ये दिसणार आहे. जेणेकरून अॅनिमेटेड आणि नॉन अॅनिमेटेड स्टिकर्स युजर्सना लवकर समजता येतील. हे फिचर सध्या प्राथमिक स्तरावर असून याची अद्याप चाचणी सुरू झाली नाही. डिलीट मेसेज डिलीट मेसेज फिचरमध्ये ही सुधारणा करण्यात येणार आहे. डिलीट मेसेज फिचर ऑन आणि ऑफ हेदेखील अॅपवर दिसणार आहे. त्याशिवाय नवीन फिचरनुसार आता ग्रुपवर आलेला मेसेज किती वेळेनंतर डिलीट करायचा आहे ते ग्रुप अॅडमिन ठरवणार आहे. याद्वारे अॅडमिनने ठरवलेल्या वेळेनंतर संबंधित मेसेज डिलीट होणार आहे. अकाउंट ट्रान्सफर व्हॉट्सअॅप तिसऱ्या फिचरवरही काम करत आहे. याच्या मदतीने नवीन डिव्हाइसवर व्हॉट्सअॅप अकाउंट ट्रान्सफर करणे सोपं होणार आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/36sV3Go