६४ मेगापिक्सेल कॅमेरा, कमी किंमत; रियलमीचा मोठा धमाका

नवी दिल्ली : चा नवीन व्हेरिएंट भारतात विक्रीसाठी उपलब्ध झाला आहे. Realme X2 Pro स्मार्टफोनचं हे ६ जीबी रॅम आणि ६४ जीबी इंटर्नल स्टोरेजचं व्हेरिएंट आहे. रियलमीच्या या व्हेरिएंटची किंमत २७ हजार ९९९ रुपयांपासून सुरू होत आहे. रियलमीचे सीईओ माधव सेठ यांनी नुकतंच हा फोन उपलब्ध होणार असल्याची घोषणा केली होती. Realme X2 Pro हा स्मार्टफोन लूनर व्हाईट आणि नेप्चून ब्लू कलर्समध्ये उपलब्ध आहे. Realme X2 Pro चं ६ जीबी रॅम व्हेरिएंट २ ते ५ जानेवारी २०२० या काळात फ्लिपकार्ट आणि realme.com वर खरेदी करता येईल. हा फोन realme.com वर 'Realme 2020 सेल' मध्ये विक्रीसाठी उपलब्ध आहे. कंपनीने काही दिवसांपूर्वीच Realme X2 Pro हा फोन ८ जीबी रॅम आणि १२८ जीबी स्टोरेज आणि ८ जीबी रॅम अधिक २५६ जीबी स्टोरेज व्हेरिएंटमध्ये लाँच केला होता. या दोन्ही फोनची किंमत अनुक्रमे २९ हजार ९९९ रुपये आणि ३३ हजार ९९९ रुपये आहे. या फोनला नुकतीच भारतात पहिली सॉफ्टवेअर अपडेट मिळाली आहे. नवीन अपडेटमुळे कॅमेरा गुणवत्ता वाढली आहे, शिवाय सिस्टम परफॉर्मन्सही वाढल्याचं कंपनीचं म्हणणं आहे. काय आहेत स्पेसिफिकेशन्स ? Realme X2 Pro मध्ये ६.५ इंच आकाराचा S-AMOLED डिस्प्ले आहे. या वॉटरड्रॉप नॉच स्क्रीनमध्ये फुल एचडी प्लस रिझोल्युशन आहे. सोबतच यामध्ये फिंगरप्रिंट सेन्सरही देण्यात आलं आहे. स्नॅपड्रॅगन ८५५+ मोबाइल प्लॅटफॉर्मसह येणारा हा कंपनीचा पहिलाच फोन आहे. यामध्ये यूएफएस ३.० स्टोरेज आहे. या फोनमध्ये १६ मेगापिक्सेल फ्रंट फेसिंग कॅमेरा देण्यात आला आहे. तर क्वॉड रिअर कॅमेरा सेटअपही यामध्ये मिळेल. या फोनमध्ये ६४ मेगापिक्सेल प्रायमरी, ८ मेगापिक्सेल अल्ट्रा वाईड लेन्स आणि २ मेगापिक्सेल कॅमेरा देण्यात आला आहे. याशिवाय ४०००mAh क्षमतेची बॅटरीही मिळेल, जी ५०W SuperVooC फ्लॅश चार्ज टेक्नोलॉजीवर आधारित आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/36lBjVC