एअरटेलचे २ नवे प्लान; विम्यासह अनेक फायदे

नवी दिल्ली: डिसेंबरमध्ये शुल्कवाढीनंतर टेलिकॉम कंपन्या ग्राहकांना आकर्षित करण्यासाठी नवनवीन आणि चांगला फायदा देणारे प्लान घेऊन येत आहेत. प्रीपेड प्लान महाग झाले असल्याने आपले ग्राहक कमी होऊ नयेत असा कंपन्याचा प्रयत्न असतो. हे लक्षात घेत एअरटेलने आपल्या ग्राहकांसाठी २७९ आणि ३७९ रुपयांचे दोन नवीन प्रीपेड प्लान बाजारात आणले आहेत. या प्लानद्वारे ग्राहकांना कोणते फायदे दिले जात आहेत, हे पाहुया... एअरटेलच्या ३७९ रुपयांच्या योजनेत लाभ एअरटेलच्या या नव्या प्लानमध्ये ग्राहकांना ८४ दिवसांची व्हॅलिडिटी देण्यात येत आहे. या प्लानला एफओपीची मर्यादा देण्यात आलेली नाही. आणि आता कोणत्याही नेटवर्कसाठी ट्रू अनलिमिटेड कॉलिंगची ऑफर देत आहे. संपूर्ण व्हॅलिडीटी कालावधीसाठी या प्लानमध्ये एकूण ९०० विनामूल्य एसएमएस देण्यात आले आहेत. हा प्लान सबस्क्राइब करणाऱ्या ग्राहकाला कंपनी विंक म्युझिक, एक्सट्रीम अ‍ॅपची फ्री सबस्क्रिप्शन आणि फास्टॅगच्या खरेदीवर १०० रुपये कॅशबॅक असे अनेक फ्री बेनिफिट्स देत आहे. एअरटेलच्या २७९ रुपयांच्या प्लानचे फायदे दर वाढीनंतर २४९ रुपयांचा प्लानची किंमत आता २७९ इतकी झाली आहे. यात ग्राहकाला दररोज १.५ जीबी डेटा, १०० फ्री एसएमएस आणि अनलिमिटेड फ्री कॉलिंग देण्यात येत आहे. या प्लानची वैधता २८ दिवसांची आहे. २७९ रुपये इतकी किंमत असलेल्या या प्लानची सर्वात खास बाब म्हणजे यात एचडीएफसी लाइफकडून ४ लाख रुपयांचा जीवन विमा देण्यात येत आहे. २४९ रुपयांच्या प्लानमध्ये मात्र ग्राहकांना विमा मिळत नाहीत. या प्लानमध्ये ग्राहकाला विंक म्यूझिक, एअरटेल एक्सट्रीम अ‍ॅपची प्रीमियम सबस्क्रिप्शन आणि फास्टॅग खरेदीवर १०० रुपये कॅशबॅक मिळत आहे. जुने फायदे देणारे प्रीपेड प्लान येत आहेत काही आठवड्यांपूर्वी एअरटेलने ३४९ रुपयांचा प्लान आणला. यात ग्राहकाला दररोज २ जीबी डेटा देण्यात येत होता. २८ दिवसांच्या व्हॅलिडिटीसह मिळणारा हा प्लान अनलिमिटेड कॉलिंगसह दररोज १०० विनामूल्य एसएमएस देखील देतो. हा प्लान एअरटेलच्या २९९ रुपयांच्या प्लानप्रमाणेच आहे. कंपनीने या प्लानमध्ये अ‍ॅमेझॉन प्राइम मेंबरशिप बेनिफिटची जोड देत या प्लानची किंमत ३४९ रुपये इतकी केली होती. एअरटेलच्या २७९ रुपयांच्या नव्या प्लानचेही असेच आहे. कंपनीने जुन्या २४९ रुपयांचा प्लान ३० रुपयांनी महाग केला आणि ४ लाख रुपयांच्या जीवन विम्याचीही त्यात भर घातली आहे. शुल्कवाढीपूर्वी कंपनी २४९ रुपये आणि ५९९ रुपयांच्या प्लानसोबतच ४ लाख रुपयांची लाइफ कव्हर ऑफर देत होती. या बरोबरच, कंपनी केवळ २९९ रुपयांच्या प्रीपेड प्लानमध्ये ग्राहकांना अॅमेझॉन प्राइम मेंबरशीप देत होती. मात्र, आता या प्लानमध्ये बदल होत असलेले दिसत आहेत. आणि आता एअरटेल आपल्या इतर योजनांमध्ये जुने फायदे देऊन अधिकाधिक ग्राहकांना आकर्षित करण्याचा प्रयत्न करीत आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2QEHBch