रिअलमी स्मार्टफोनवर आता जाहिराती दिसणार

नवी दिल्ली: चीनची कंपनी भारतीय बाजारपेठेत एकाहून एक सरस फोन लाँच करत आहे. बाजारातल्या मोठ्या मार्केट शेअरवर रियलमीचा कब्जा आहे. रिअलमीच्या डिव्हाइसनी शाओमीला मोठी टक्कर दिल्ली आहे. 3 Pro लाँच इव्हेंट मध्ये रिअलमी इंडियाचे सीईओ माधव सेठ यांनी सांगितले होते की 'रिअलमी कधीही शाओमीसारख्या जाहिराती दाखवणार नाही.' पण आता मात्र रिअलमी शाओमीच्याच पावलावर पाऊल ठेवून पुढे जात आहे. रिअलमीने अधिकृतपणे अशी घोषणा केली आहे की कंपनीच्या कस्टम आणि त्यापुढील प्रत्येक अपडेटमध्ये सिस्टिम अॅपमध्ये जाहिराती दाखवल्या जातील. शाओमीप्रमाणेच रिअलमीदेखील आपल्या यूजर्सना स्मार्टफोनमध्ये जाहिराती दाखवून महसूल वाढवू इच्छित आहे. शाओमीप्रमाणे रिअलमीच्या स्मार्टफोन्सची किंमतही कमी असते आणि अॅग्रेसिव्ह प्रायसिंगसाठी कंपनी जाहिरातींच्या मदतीने नफा वाढवू पाहते. परिणामी रिअलमी यूजर्सना नव्या फोनमध्ये प्रि-इन्स्टॉल्ड मिळणाऱ्या सिस्टीम अॅप्समध्ये जाहिराती दिसणार आहेत. अशा करता येतील जाहिराती डिसेबल रिअलमी यूजर्स जर आपल्या स्मार्टफोनमध्ये दिसणाऱ्या जाहिराती डिसेबल करू इच्छित असेल तर कंपनीने पर्यायही दिले आहेत. यासाठी यूजर्सना काही विशिष्ट स्टेप्स फॉलो कराव्या लागतात. स्मार्टफोनच्या सेटिंग्जमध्ये अॅडिशनल सेटिंग्जवर टॅप करून Get Recommendations सेक्शन मध्ये जाऊन यूजर्स जाहिराती डिसेबल करू शकतात.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2F9KWLf