इंटरनेट शिवाय शेअर करता येणार फोटो, व्हिडिओ...

नवी दिल्ली: चीनी स्मार्टफोन कंपनी ओप्पो, विवो आणि शाओमी यांनी पिअर-टू-पिअर ट्रान्समिशन वाढवण्यासाठी एकमेकांशी भागिदारी केली आहे. याद्वारे युजर्स आता इंटरनेट शिवाय फाइल्स, फोटो आणि व्हिडिओ शेअर करू शकणार आहेत. या तीन कंपन्यांच्या मोबाइलमध्ये डेटा सहजपणे शेअर करता येणे शक्य होणार आहे. पिअर-टू-पिअर अलायन्स म्हणजे काय? विवो, ओप्पो आणि शाओमी या तीन कंपन्यांमध्ये हायस्पीड, वायफाय डायरेक्ट ट्रान्सफर प्रोटोकॉल अंतर्गत भागिदारी झाली आहे. यामध्ये या मोबाइल कंपन्यांचे युजर्स कोणत्याही इंटरनेट कनेक्टिव्हीटीशिवाय एकमेकांना फाइल्स पाठवू शकतात. कसं काम करणार? इंटरनेटशिवाय फाइल ट्रान्सफर करण्यासाठी ब्लूटुथ लो एनर्जी (BLE) द्वारे डिव्हाइस स्कॅन केले जाईल. त्यानंतर Wi-Fi P2P तंत्रज्ञानाच्या मदतीने डेटा ट्रान्समिट केला जाईल. ब्लूटूथपेक्षाही अधिक वेगवानपणे फाइल ट्रान्सफर केली जाते. या ट्रान्समिशनमध्ये प्रतिसेकंद २० एमबी एवढा वेग मिळेल. ओप्पोचे उपाध्यक्ष अॅण्डी वू यांनी सांगितले की, ओप्पो, विवो आणि शाओमी यांच्या जगभरातील युजर्सना सहजपणे फाइल्स ट्रान्सफर करता यावी हा या भागिदारी मागील उद्देश आहे. ओप्पो टीव्ही होणार लाँच शाओमी, वन प्लस आणि नोकियानंतर चीनची स्मार्टफोन कंपनी ओप्पोदेखील टीव्ही निर्मितीच्या क्षेत्रात उतरणार आहे. ओप्पोने आतापर्यंत स्मार्टफोन आणि त्याच्याशी संबंधित डिव्हाइज बनवत आहेत. ओप्पोने आपला विस्तार वाढवण्याचा निर्णय घेतला आहे. आतापर्यंत कंपनीने लाँचिंगबाबत कोणतीही घोषणा केली नसून टीव्हीचे नाव ओप्पो टीव्ही असणार असल्याची शक्यता आहे. टीव्ही निर्मिती क्षेत्रात ओप्पो उतरल्यानंतर आता टीव्ही बाजारपेठेतील स्पर्धा आणखी तीव्र होण्याची शक्यता आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/39wXAlt