सॅमसंगचा नवा मोबाइल; ट्रिपल कॅमेरा आणि अधिक स्टोरेज

मुंबई: सॅमसंग आणखी काही नवे स्मार्टफोन लाँच करण्याच्या तयारीत आहे. मागील वर्षी लाँच झालेल्या 'गॅलेक्सी एम' सीरिजमधील नवीन मोबाइल लाँच करण्यात येणार आहे. सॅमसंग 'गॅलेक्सी एम' सीरिजमधील अनेक नवीन फोन लाँच करण्याची शक्यता आहे. एका नव्या रिपोर्टनुसार, 'गॅलेक्सी एम २१' मोबाइलची वैशिष्ट्ये समोर आली आहेत. सॅमसंगचा हा फोन अधिक स्टोरेज असणारा असेल. त्याशिवाय या फोनमध्ये ट्रिपल कॅमेरा सेटअप असण्याची दाट शक्यता आहे. त्याशिवाय, 'सॅमसंग गॅलेक्सी एम११' आणि 'सॅमसंग गॅलेक्सी एम ३१' चे कलर ऑप्शन मिळणार आहेत. १२८ जीबी स्टोरेजसह लाँच होणार 'गॅलेक्सी एम २१' sammobile च्या बातमीनुसार, सॅमसंग 'गॅलेक्सी एम २१' स्मार्टफोन मॉडल क्रमांक एसएम-एम२१५ F सह लाँच होणार आहे. सॅमसंगचा हा स्मार्टफोन ६४ जीबी आणि १२८ जीबी स्टोरेजच्या पर्यायासह उपलब्ध असणार आहे. तर, सॅमसंग 'गॅलेक्सी एम २०' स्मार्टफोनमध्ये ३२ जीबी आणि ६४ जीबी स्टोरेजचा पर्याय उपलब्ध आहे. सॅमसंग 'गॅलेक्सी एम २१'मध्ये Exynos 9610 किंवा Exynos 9611 प्रोसेसर असू शकतो. सॅमसंग 'गॅलेक्सी एम २१' मध्ये ट्रिपल कॅमेरा सेटअप असू शकतो. रिपोर्टनुसार, सॅमसंग 'गॅलेक्सी एम २१' हा स्मार्टफोन ब्लॅक, ब्लू आणि ग्रीन रंगाच्या पर्यायामध्ये उपलब्ध होणार आहे. सॅमसंग 'गॅलेक्सी एम ११' स्मार्टफोन हा ब्लू, ब्लॅक आणि व्हायलेट कलरमध्ये उपलब्ध असेल. तर, 'सॅमसंग गॅलेक्सी एम ३१' ब्लू, ब्लॅक आणि रेड कलरमध्ये लाँच होऊ शकतो. सॅमसंग 'गॅलेक्सी एम ३१' स्मार्टफोन ६४ जीबी स्टोरेजसह लाँच होऊ शकतो. 'गॅलेक्सी एम ३१' स्मार्टफोनमध्ये स्नॅपड्रॅगन ६६५ प्रोसेसर असू शकतो. या फोनमध्ये ट्रिपल कॅमेरा सेटअप असू शकतो.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/36fZYLo