नवी दिल्ली: स्मार्टफोन बनवणारी चीनची कंपनी रिअलमीने आपला 5G स्मार्टफोन Realme X50 लाँच केला आहे. गेल्या काही दिवसांपासून लोक या फोनची वाट पाहात होते. या फोनबद्दल सतत येणाऱ्या लीक्समुळे युजर्सना या फोनच्या वैशिष्ट्यांबद्दल माहिती मिळत होती आणि त्यांची उत्सुकता वाढत होती. Realme X50 मध्ये क्वॉड रियर कॅमेऱ्यासह पॉवरफुल्ल प्रोसेसर आणि 120Hz चा रिफ्रेश रेटवाल डिस्प्ले दिला आहे. फोनमध्ये फास्ट चार्जिंग सपोर्टही मिळणार आहे. Realme X50 ची वैशिष्ट्ये फोनमध्ये 1080x2400 पिक्सल रिझोल्युशनसह 6.57 इंचचा फुल एचडी IPS डिस्प्ले देण्यात आला आहे. याचा अॅस्पेक्ट रेशियो 20:9 आहे. फोन चा स्क्रीन-टू-बॉडी रेशियो 90.4 टक्के आहे. 6जीबी+64जीबी, 8जीबी+128जीबी और 12जीबी+256जीबी वेरियंट मध्ये येणाऱ्या या फोनमध्ये स्नॅपड्रॅगन 765G प्रोसेसर देण्यात आला आहे. फोटोग्राफीसाठी फोनमध्ये क्वॉड रियर कॅमेरा सेटअप देण्यात आला आहे. यात सॅमसंग GW1 सेंसरचा ६४ मेगापिक्सलचा प्रायमरी कॅमेरा आणि ८ मेगापिक्सलची अल्ट्रा वाइड अँगल लेंस, १२ मेगापिक्सल टेलिफोटो लेंस आणि २ मेगापिक्सलची मॅक्रो लेंस येते. कॅमेऱ्यात ड्युअर एलईडी फ्लॅश, 20x झूम आणि 4K व्हिडिओ रेकॉर्डिंगसारखी वैशिष्ट्ये आहेत. सेल्फीसाठी फोनमध्ये ८ मेगापिक्सलचा कॅमेरा देण्यात आला आहे, जो सोनी IMX 471 सेंसरसह येतो. फोनमध्ये 4200mAh बॅटरी देण्यात आली आहे. ही बॅटरी ३० वॉट्सच्या VOOC 4.0 फ्लॅश चार्ज टेक्नॉलॉजीसह येते. कंपनीचा दावा आहे की हा फोन अर्ध्या तासात ७० टक्के चार्ज होतो. किंमत रिअलमीचा हा फोन सध्या केवळ चीनमध्ये लाँच करण्यात आला आहे. फोनची किंमात २,४९९ युआन (सुमारे २५,८०० रुपये) आहे. कंपनी रिअलमी x50 चं एक मास्टर एडिशनही लाँच करणार आहे.
from Latest Mobile Phones: Mobile News, Latest Mobile News in Marathi | Maharashtra Times https://ift.tt/2QwvWO0
Comments
Post a Comment