जगातील स्मार्टफोन चाहते या नवीन iPhone च्या प्रेमात

नवी दिल्लीः 'अॅपल' कंपनीचा iPhone XR या स्मार्टफोनने बाजारात धम्माल केली आहे. सर्व स्मार्टफोनना मागे टाकत iPhone XR हा फोन जगभरात सर्वांत जास्त विकला गेला आहे. काउंटर पॉइंट रिसर्चने ही माहिती दिलीय. iPhone XR हा फोन २०१९च्या तिसऱ्या तिमाहीत जगात सर्वाधिक विकला गेला. एवढचं नव्हे तर गेल्या वर्षाच्या चौथ्या तिमाहिच्या तुलनेतही ची विक्री अधिक झाल्याचं समोर आलंय. आता 2020 मध्ये Apple iPhone XR या फोनची जागा अॅपलचाच नवीन आयफोन हा घेणार आहे. Apple iPhone 11 या नवीन फोनची सध्या जोरदार विक्री सुरू आहे. स्मार्टफोनचे चाहते Apple iPhone 11 च्या प्रेमात पडले आहे. हा Apple iPhone 11 लाँच झाला त्यावेळी जगात सर्वाधिक विकल्या जाणाऱ्या पहिल्या 10 स्मार्टफोनमध्ये 5 व्या क्रमांकावर होता. सप्टेंबरमध्ये हा Apple iPhone 11 स्मार्टफोन लाँच करण्यात आला होता. ग्राहकांना परवडेल या किंमतीत हा फोन अॅपलने लाँच केला होता. २०१९मध्ये लाँच करण्यात आलेल्या iPhone पैकी हा सर्वांत कमी किंमतीचा आयफोन ठरला आहे. या आयफोनची भारतातील किंमत ६४, ९०० रुपये आहे. HDFC बँकेच्या डेबिट कार्डवर हा फोन घेतल्यास त्यावर थेट 6000 रुपयांची सूट आहे. Apple iPhone 11 हा स्मार्टफोन तीन व्हेरियंटमध्ये लाँच केला गेला. आणि हे हायएंड श्रेणीतील स्मार्टफोनही लाँच केले गेले. या iPhone 11 मध्ये 6.1 इंचाचा स्पोर्ट डिस्प्ले (Liquid Retina HD Displa) आहे. 1792-बाय-828 पिक्सल रिझोल्युशन आहे. 12 मेगा पिक्सलचा अल्ट्रा वाइड कॅमेरा आहे. 2x ऑप्टिकल झुम आउट आहे. 5x पर्यंत डिजीडटल झुम होतो. सेल्फीसाठी 12 मेगा पिक्सलचा पोट्रेट मोड असलेला कॅमेरा आहे. iPhone 11 हा ग्लास बॉडी असलेला स्मार्टफोन आहे. iPhone XR सारखाच त्याचा लुक आहे. 64GB, 128GB आणि 256GB अशी स्टोरेज कॅपेसिटी आहे. पांढऱ्या, पिवळ्या, लाल, काळ्या, जांभळ्या आणि हिरव्या रंगात हा स्मार्टफोन उपलब्ध आहे. जांभळा आणि हिरवा ही नवीन एडिशन आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2MuHX40