सेक्युरिटी कॅमेरा ८ वर्षीय मुलीला घाबरवत होता

नवी दिल्ली: खरे तर आपल्या सुरक्षेसाठी आपण सीसीटीव्ही कॅमेरा लावत असतो. या कॅमेऱ्यामुळे निश्चिंत राहावे, असे प्रत्येकालाच वाटत असते. पण जर या सीसीटीव्ही कॅमेऱ्यामुळेच आपली धोक्यात येत असेल तर...?. हे खरे आहे.... सीसीटीव्ही कॅमेऱ्यामुळे सुरक्षा धोक्यात आल्याची घटना दक्षिण अमेरिकेतील टेनेसी शहरात घडली. येथे, हॅकरने एक ८ वर्षांची मुलगी अलीजाच्या खोलीतील रिंग स्मार्ट सुरक्षा कॅमेरा हॅक केला. इतकेच नाही, तर तर त्या कॅमेर्‍यावरून भीतीदायक आवाज करून तो अलीजाला भीतीही दाखवत होता. रिंग ही अॅमेझॉनची होम सिक्युरिटी आणि स्मार्ट होम कंपनी आहे. हॅकर म्हणायचा मी सांताक्लॉज आहे आपल्या घरात घडत असलेला सगळा प्रकार अलीजाची आई अॅशली यांनी पोलिसांना सांगितला. त्यांनी दिलेल्या माहितीनुसार, हॅकर या गॅझेटच्या माध्यमातून अलीजाशी बोलत असे. हा हॅकर खोलीतील कॅमेरा तोडण्यासाठी अलीजाला चिथावत असे. आपण सांताक्लॉज आहोत असेही तो सांगायचा. अलीजाच्या आईने काही दिवसांपूर्वी हा स्मार्ट सिक्युरिटी कॅमेरा ब्लॅक फ्रायडे सेलमध्ये विकत घेतला होता. या कॅमेऱ्याद्वारे त्यांना अलीजावर लक्ष ठेवणे सोपे जात होते. मात्र, हॅकरने आपल्या मुलीच्या गोपनीयतेला नुकसान पोहोचवले असल्याचे अॅशली यांचे म्हणणे आहे. तो वाजवायचा संगीत हॅकर अलीजाच्या खोलीत कॅमेऱ्यातून संगीत ऐकवत असे. तू माझी बेस्ट फ्रेंड बन असेही तो तिला सांगायचा. अलिजा मात्र याची खूप भीती वाटू लागली. त्यानंतर तिने हा सगळा प्रकार आपल्या वडिलांच्या कानावर घातला. त्यानंतर हा कॅमेरा बंद करण्यात आला. आता अॅशली यांनी हा कॅमेरा वापरण्याचे बंद केले असून तो कंपनीला तो परत करण्याचा विचार त्या करत आहेत. कोठूनही केले जाऊ शकते कनेक्ट रिंग सुरक्षा कॅमेरा स्मार्टफोन अॅपद्वारे कोठूनही कनेक्ट केला जाऊ शकतो. या कॅमेर्‍यामध्ये दिलेल्या स्पीकर्सशीही वापरकर्ते बोलू शकतात. इंटरनेटशी कनेक्ट असल्याने, हा कॅमेरा हॅकर्ससाठी एक सॉफ्ट टार्गेटच आहे. वापरकर्त्याचा लॉगीन तपशील चोरून हॅकर्स यात प्रवेश करू शकतात. कंपनी या घटनेची चौकशी करत असल्याची माहिती रिंगने द सन या वृत्तपत्राला दिली आहे. तथापि, हा सुरक्षा भंग करण्याचा प्रकार नसल्याचा रिंगचा दावा आहे.

from Science & Technology News: Science News Updates, Science Technology News in Marathi | Maharashtra Times https://ift.tt/2LRxbol