ऑनलाइन बँकिंग घोटाळ्यांपासून 'असे' राहा सावध!

नवी दिल्ली: सन २०१९ मध्ये ऑनलाइन फसवणुकीची अनेक प्रकरणे उजेडात आली आहेत. करणाऱ्यांनी या वर्षी एका विशेष पद्धतीचा अवलंब केल्याचे दिसते आहे. या वर्षी या ठगांनी कोणत्याही प्रकारच्या मॅलवेअर किंवा रॅनवेअरचा वापर केलेला नाही. ज्या लोकांना डिजिटल जगताची कमी माहिती आहे अशांना लक्ष्य करत बनावट कस्टमर केअर तयार करण्याची एक पद्धत वापरली आहे. UPI आणि Paytm e-KYC शी संबंधित बहुतेक घोटाळ्यांच्या प्रकरणात लोकांना आणि work सारख्या रिमोट डेस्कटॉप अॅपद्वारे शिकार केले गेले. ज्या लोकांना अशा प्रकारच्या अॅपबाबत माहिती नसल्याने ते सहज ठगांचे शिकार झाले. AnyDesk आणि TeamViewer अॅप काय आहे? हे दोन्ही अॅप कोणत्याही प्रकारचे मॅलवेअर नाहीत. याचा वापर पूर्णपणे वैध आहे. हे एक रिमोट डिव्हाइस कंट्रोल अॅप आहे. या अॅपद्वारे तुम्ही कोणतेही रिमोट डिव्हाइस कुठूनही बसून कंट्रोल करता येते. मात्र, या अॅपबाबत फारच कमी लोकांना माहिती आहे. यामुळे असे लोक सहज आपल्या मोबाइन स्क्रीनचा अॅक्सेस ठगांच्या हाती सोपवतात. हे अॅप कसे करते काम? फसवणूक करणारे ठग ग्राहकांना बँकेच्या कस्टमर सर्व्हीस ऑफिसर किंवा पेटीएम KYC एक्झिक्यूटीव्ह बनून कॉल करतात. त्या व्यक्तीला कोणताही संशय येऊ नये म्हणून ते त्या व्यक्तीचे नाव, मोबाइल नंबर आणि जन्मतारीखेची पडताळणीही केली जाते. आपले बँक खाते बंद होऊ शकते असे ते घाबरवण्यासाठी म्हणतात. किंवा तुमचे पेटीएम बंद होईल असेही सांगतात. ते त्या व्यक्तीला बोलण्यात गुंतवतात आणि काहीही करून ते त्या व्यक्तीला AnyDesk आणि TeamViewer अॅप डाउनलोड करण्यासाठी प्रवृत्त करतात. अॅप डाउनलोड झाल्यानंतर काय होते? जेव्हा तुम्ही हे अॅप आपल्या फोनमध्ये डाउनलोड करता तेव्हा ते तुमच्याकडे प्रायव्हसी परवानगी मागते. जेव्हा तुम्ही सर्व परवानग्या देऊ करता, तेव्हा हे अॅप एक कोड जनरेट करते. त्याद्वारे कुणीही दूरच्या अंतरावरून तुमची मोबाइल स्क्रीन पाहू शकतो. त्यानंतर ठग तुमच्याकडे ९ डिजिटचा कोड मागतो आणि तुम्ही फोनमध्ये जे काही करता ते सर्व ठग पाहत असतो. मात्र, खरा खेळ तेव्हा सुरू होतो, जेव्हा तुम्ही फोनमध्ये एखाद्या बँकिंग किंवा UPI अॅपचा वापर करता, तेव्हा ठग तुमच्या लॉगइनशी संबंधित सर्वकाही गोष्टी ठग पाहत असतो. नंतर ठग तुमच्या तपशीलाचा वापर करत लॉगइन करतो. तुमच्या मोबाइलवर आलेला OTP ही ठग पाहतो. अशा प्रकारे तुमच्या बँक खात्यातील रक्कम लंपास केली जाते आणि तुम्हाला त्याची पुसटशी कल्पनाही येत नाही.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2Q2Ba2L