सॅमसंगकडून या फोनच्या किंमतीत भरघोस कपात

नवी दिल्ली : सॅमसंगने लेटेस्ट स्मार्टफोन Galaxy A70s च्या किंमतीत कपात केली आहे. तब्बल ३००० रुपयांची कपात या फोनच्या किंमतीत करण्यात आली आहे. ९१ मोबाइल्सच्या वृत्तानुसार, ग्राहक कमी झालेल्या किंमतीसह ३१ डिसेंबरपर्यंत हा फोन खरेदी करू शकतात. नव्या किंमतीचे फोन फक्त ऑफलाइन स्टोरमध्येच खरेदी करता येतील. किंमत कमी झाल्यानंतर या फोनचं ६ जीबी रॅम व्हेरिएंट २५ हजार ९९९ रुपये आणि ८ जीबी रॅम व्हेरिएंट २७ हजार ९९९ रुपयांमध्ये उपलब्ध आहे. दरम्यान, तुम्ही हा फोन सॅमसंगच्या अधिकृत वेबसाइटवर पाहाल, तर मूळ किंमतीतच हा फोन दाखवण्यात आला आहे. वेबसाइटवर या फोनच्या ६ जीबी रॅम व्हेरिएंटची किंमत २८ हजार ९९९ रुपये आणि ८ जीबी रॅम व्हेरिएंटची किंमत ३० हजार ९९९ रुपये आहे. सॅमसंग गॅलक्सी A 70 s चे स्पेसिफिकेशन्स या फोनमध्ये १०८०x२४०० रिझोल्युशनसह ६.७ इंच आकाराचा सुपर AMOLED डिस्प्ले आहे. १२८ जीबीपर्यंत इंटर्नल स्टोरेजचाही पर्याय ग्राहकांना मिळेल. अँड्रॉईड ९ पायवर आधारित या फोनला ऑक्टा कोअर क्वालकॉम स्नॅपड्रॅगन ६७५ एसओसी प्रोसेसर आहे. या फोनमध्ये फोटोग्राफीसाठी तीन रिअर कॅमेरे आहेत. यामध्ये ६४ मेगापिक्सेल प्रायमरी सेन्सरसह ८ मेगापिक्सेल अल्ट्रा वाइड अँगल शूटर आणि ५ एक पाच मेगापिक्सेलचा कॅमेरा देण्यात आला आहे. सेल्फीसाठी या फोनमध्ये ३२ मेगापिक्सेल फ्रंट कॅमेरा आहे. शिवाय ४५०० mAh क्षमतेची बॅटरीही या फोनमध्ये मिळेल, २५ वॉट फास्ट चार्जिंग सपोर्टेड आहे. या फोनच्याही किंमतीत कपात सॅमसंगने नुकतंच गॅलक्सी A30s आणि A50s च्या किंमतीतही कायमस्वरुपी कपात केली होती. नव्या किंमतीसह A30s ४ जीबी रॅम आणि १२८ जीबी स्टोरेज व्हेरिएंट १६ हजार ९९९ रुपयांऐवजी १५ हजार ९९९ रुपयांमध्ये उपलब्ध आहे. तर गॅलक्सी A50s ४ जीबी रॅम आणि १२८ जीबी स्टोरेज व्हेरिएंट १९ हजार ९९९ रुपये आणि ६ जीबी रॅम आणि १२८ जीबी स्टोरेज व्हेरिएंट २१ हजार ९९९ रुपयांत खरेदी केलं जाऊ शकतं.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2RPiZQs