जिओ फायबर : कसा मिळवाल मोफत सेट-टॉप बॉक्स?

मुंबई : रिलायन्स जिओने प्रिव्ह्यू ऑफरच्या ग्राहकांना आता पेड प्लानमध्ये वर्ग करणं सुरू केलं आहे. या प्रक्रियेअंतर्गत ब्रॉडबँड सर्व्हिसच्या विद्यमान ग्राहकांना एक मोफत सेट-टॉप बॉक्स मिळणार आहे. याशिवाय कंपनीकडून नवीन ग्राहकांनाही सेट-टॉप बॉक्सची ऑफर दिली जात आहे. काय आहे सेट-टॉप बॉक्स ? जिओ फायबर सेट-टॉप बॉक्सद्वारे सध्या काही Apps आणि इतर सेवांचं प्रक्षेपण केलं जातं. सर्वसामान्य सेट-टॉपपेक्षा हा बॉक्स वेगळा आहे. याचा वापर फक्त इंटरनेटद्वारे प्रक्षेपणासाठीच केला जाऊ शकतो. म्हणजेच यासाठी तुमच्याकडे इंटरनेट कनेक्शन असणं ही पहिली अट आहे. हा सेट-टॉप बॉक्स अँड्रॉईड ७.० वर आधारित आहे आणि डिसेंबर २०१८ सिक्युरिटी पॅचसह येईल. जिओ फायबर सध्याच्या ग्राहकांसाठी तर आहेच, पण नवीन ग्राहकांनाही इंस्टॉलेशन करता येईल. प्रिव्ह्यू ऑफरच्या ग्राहकांना मोफत सेट-टॉप बॉक्ससाठी काही प्रक्रिया करावी लागणार आहे. मोफत सेट-टॉप बॉक्स कसा मिळवाल ? - MyJio app द्वारे तुमच्या आवडीचा पेड प्लान निवडण्यासाठी साइन-अप करा. एक महिना, तीन महिने आणि वर्षभरासाठीचाही प्लान निवडू शकता. - पेमेंट केल्यानंतर MyJio app च्या स्क्रीनवर एक बॅनर दिसेल, ज्यात तुम्हाला सेट-टॉप बॉक्स इंस्टॉल करण्यासाठी वेळ घ्यावी लागेल. - जवळच्या रिलायन्स जिओ स्टोअरमधूनही तुम्ही मोफत सेट-टॉप बॉक्स घेऊ शकता. कशी आहे इंस्टॉलेशन प्रोसेस ? सेट-टॉप बॉक्स इंस्टॉलेशनसाठी रिलायन्स जिओकडून एक टेक्निशियन पाठवला जाईल. तुमच्या MyJio app मधून व्हाऊचर क्लेम करावं लागेल. यात साधारणपणे १० मिनिटांचा वेळ जाईल. सेटअप पूर्ण झाल्यानंतर सेट-टॉप बॉक्स टीव्हीशी जोडला जाईल. पहिल्यांदाच कनेक्ट केला जात असेल तर काही अपडेट्स इंस्टॉल होतील, शिवाय रिमोट कंट्रोललाही नवीन सॉफ्टवेअर अपडेट मिळेल. जिओच्या या सेट-टॉप बॉक्समध्ये सध्या हॉटस्टार, यूट्यूब, वूट, जिओ सावन, जिओ टीव्ही प्लस, सोनी लिव्ह आणि जिओ सिनेमा यांचा समावेश आहे. जिओ स्टोअरमधून नवीन Apps डाऊनलोडही करू शकता. स्ट्रीमिंगसह आवडीच्या गेम्सही यावर तुम्ही डाऊनलोड करू शकता. टेरिफ प्लानच्या आधारावर तुम्हाला हॉटस्टार VIP प्लान, SonyLIV, Voot आणि इतर सेवा मिळतील.

from Computer News in Marathi: Latest Computer Technology Updates in Marathi | Maharashtra Times https://ift.tt/2M1yWPS