नवी दिल्लीः नवीन टॅरिफ प्लान्स आले असून ते आधीच्या तुलनेत महागडे आहेत. आणि व्होडाफोन -आयडिया आपल्या ग्राहकांना रिचार्ज प्लान्समध्ये अनलिमिटेड कॉलिंगचा फायदा देत आहेत. तर रिलायन्स जिओने आपल्या ग्राहकांसाठी जिओ ते जिओ आणि अन्य नेटवर्क्सवर कॉल करण्यासाठी एफयूपी मिनिट्स देत आहे. एअरटेलने आपल्या ग्राहकांसाठी ३ नवीन प्लान आणले आहेत. या प्लानवर ग्राहकांना दुसऱ्या नेटवर्कवर फ्री कॉलिंगचा फायदा मिळणार आहे. एअरटेलचा २१९ रुपयांचा प्रीपेड प्लानमध्ये ग्राहकांना कोणत्याही नेटवर्कवर अनलिमिटेड कॉलिंगचा फायदा मिळत आहे. म्हणजेच एअरटेल ग्राहक दुसऱ्या नेटवर्कवर फ्री अनलिमिटेड कॉल करू शकतात. या प्लानमध्ये दररोज १ जीबी डेटा मिळत आहे. २१९ रुपयांच्या प्लानमध्ये दररोज १०० एसएमएस मिळतात. या प्लानची वैधता २८ दिवसाची आहे. ३९९ रुपयांच्या प्लानमध्ये दररोज १.५ जीबी डेटा मिळतो. या प्लानची वैधता ५६ दिवसांची आहे. या प्लानमध्ये दुसऱ्या नेटवर्कवर अनलिमिटेड कॉलिंगचा फायदा ग्राहकांना मिळतो. ग्राहकांना ५६ दिवसांत ८४ जीबी डेटा मिळणार आहे. ४४९ रुपयांच्या प्रीपेड रिचार्ज प्लानमध्ये ग्राहकांना ५६ दिवसांची वैधता दिली जात आहे. प्रीपेड प्लानमध्ये ग्राहकांना एअरटेलसह अन्य नेटवर्कवर अनलिमिटेड कॉलिंगचा फायदा मिळतो. या प्लानमध्ये दररोज २ जीबी डेटा ऑफर केली जाते. म्हणजेच ग्राहकांना ११२ जीबी डेटा दिला जातो. या प्लानमध्ये दररोज ९० एसएमएस पाठवण्याची सवलत दिली जाते. या सर्व फायद्यासह ग्राहकांना फ्री हेलो ट्युन्स आणि एअरटेल एक्स्ट्रिम अॅपचा अॅक्सेस दिला जातो.
from Latest Mobile Phones: Mobile News, Latest Mobile News in Marathi | Maharashtra Times https://ift.tt/2PeEt7H
Comments
Post a Comment