नवी दिल्ली वोडाफोनने आपल्या पोस्टपेड यूजर्ससाठी एक उत्कृष्ट प्लान आणला आहे. ९९९ रुपयांच्या मासिक दरासह येणारा रेडएक्स प्लान हा एक मर्यादित आवृत्तीचा पोस्टपेड प्लान आहे. या प्लानमध्ये ग्राहकांना ५० टक्के वेगवान इंटरनेट स्पीड मिळेल असा कंपनीचा दावा आहे. या योजनेची आणखी एक खास गोष्ट म्हणजे कंपनी त्यासह २० हजार रुपयांपर्यंतचा फायदा देत आहे. कसा ते पाहू... ९९९ रुपयांच्या या रेड एक्स प्लानमध्ये कंपनी ग्राहकांना अनेक उत्तम फायदे आणि सेवा देत आहे. यूजर्सना अनलिमिटेड व्हॉईस कॉलिंग आणि इंटरनेट डेटासह दररोज १०० विनामूल्य एसएमएस ऑफर केले जात आहेत. योजनेत, इतर पोस्टपेड योजनांपेक्षा ५० टक्के अधिक वेगवान इंटरनेट स्पीड मिळणार आहे. आंतरराष्ट्रीय रोमिंग बेनिफिट्ससह ही योजना आहे. यामध्ये वापरकर्त्यांना त्यांच्या ७ दिवसांच्या परदेश दौर्यावर विनामूल्य कॉलिंग आणि डेटा देण्यात येत आहे. या प्लानच्या सदस्यांना जगभरातील अनेक विमानतळांवर अॅक्सेस मिळेल, हँडसेटवर विशेष डील, हॉटेल बुकिंगवरील सवलत आणि बरेच काही मिळणार आहे. RedX प्लानच्या ग्राहकांना नेटफ्लिक्सच्या वार्षिक वर्गणीसह अॅमेझॉन प्राइम आणि झी ५ वर विनामूल्य सदस्यता मिळेल. यासह, कंपनी वोडाफोन प्ले सेवाही ग्राहकांना विनामूल्य देत आहे. येथे आपण थेट टीव्हीसह चित्रपटांचा आनंद घेऊ शकतो. प्लानमधील काही अतिरिक्त फायद्यांविषयी सांगायचं तर सॅमसंग डिव्हाइसवरील बेस्ट डीलसह अमेरिका आणि कॅनडाला फोन करण्यासाठी प्रति मिनिट ५० पैसे इतका माफक दर मिळेल. वापरकर्ते त्यांच्या विद्यमान प्लानसह वोडाफोनच्या या प्लानची प्री बुकिंग करू शकतात. वोडाफोन इंडिया वेबसाइट आणि माय वोडाफोन अॅपवरून या प्लानची प्री-बुकिंग केली जाऊ शकते. अटी अशा आहेत - वोडाफोनने काही अटी ठेवल्या आहेत. यानुसार, कंपनी प्रथम येणार्यास प्रथम सेवा या तत्वावर हा प्लान देईल. जे ग्राहक या योजनेसाठी बुकिंग करतील ते नंतर रद्द करू शकणार नाहीत. नवीन योजना २५ नोव्हेंबर रोजी किंवा त्यापूर्वीच्या ग्राहकांच्या संख्येवर कार्यान्वित होईल. जे युजर्स कमीतकमी 6 महिन्यांसाठी हा प्लान सबस्क्राइब करतील, त्यांनाच या प्लानचे बेनिफिट मिळतील. त्यापूर्वी हा प्लान सोडल्यास कंपनीला ३,००० रुपये द्यावे लागतील.
from Latest Mobile Phones: Mobile News, Latest Mobile News in Marathi | Maharashtra Times https://ift.tt/2qAGQrl
Comments
Post a Comment