मोटोचा फोल्डेबल फोन, किंमत एक लाखापेक्षाही जास्त

नवी दिल्ली : मोटोरोलाने आपला हा लाँच केला आहे. हा फोन फर्स्ट जनरेशन मोटो रेझरपेक्षा प्रत्येक बाबतीत पुढे असल्याचा दावा करण्यात आला आहे. कंपनीने आकर्षक अशा फोल्डेबल डिस्प्ले डिझाईनमध्ये हा फोन लाँच केला. सध्या अनेक फोल्डेबल फोन लाँच होत आहेत. पण यापेक्षा हा फोन वेगळा दिसतो. या फोनचा वेगळेपणा म्हणजे हा व्हर्टिकली फोल्ड होतो. फर्स्ट जनरेशन मोटो रेझरला लक्षात ठेवतच हा फोन डिझाईन करण्यात आला आहे. अमेरिकेतील एका इव्हेंटमध्ये हा फोन लाँच करण्यात आला. अमेरिकेत या फोनची किंमत १४९९ डॉलर आहे. वाचा : मोटो रेझरला दोन स्क्रीन आहेत. पहिली स्क्रीन आतल्या बाजूला, तर दुसरी स्क्रीन बाहेरच्या बाजूला आहे. अनफोल्डेड असताना आतील स्क्रीनची साईज ६.२ इंच होईल. यामध्ये फ्लेक्सिबल OLED इंटर्नल डिस्प्ले २१:९ सिनेमाव्हिजन रेशो आहे. शिवाय फोन फोल्ड केल्यानंतर बाहेरच्या बाजूला २.७ इंच आकाराची स्क्रीन दिसते. बाहेरची स्क्रीन युझर्सना नोटिफिकेशन्सची माहिती देईल. फिंगरप्रिंट सेन्सरही आऊटर पॅनलवरच देण्यात आला आहे. वाचा : या फोनमध्ये दोन रिअर कॅमेरे देण्यात आले आहेत. नाईट व्हिजन मोडसह १६ मेगापिक्सेल फ्रंट कॅमेरा आणि ५ मेगापिक्सेल इंटर्नल कॅमेरा आहे. अँड्रॉईड ९ पाय आऊट ऑफ द बॉक्स सपोर्टेड हा फोन आहे. विशेष म्हणजे या फोनमध्ये फक्त ई-सिम असेल. ६ जीबी रॅम आणि १२८ जीबी इंटर्नल स्टोरेज व्हेरिएंटमध्ये हा फोन लाँच करण्यात आला आहे. शिवाय यामध्ये स्नॅपड्रॅगन ७१० प्रोसेसर आहे. वाचा : मोटो रेझर ग्राहकांसाठी २०२० पासून उपलब्ध होईल, असं कंपनीकडून सांगण्यात आलं आहे. अमेरिकेत फोनची प्री बुकिंग डिसेंबर अखेरपर्यंत सुरु होईल. भारतातही हा फोन लाँच केला जाणार आहे. मात्र याबाबतची अधिकृत तारीख देण्यात आलेली नाही. अमेरिकेत या फोनची किंमत १४९९ डॉलर म्हणजेच जवळपास १ लाख ५ हजार ९८८ रुपये आहे. भारतात यापेक्षा महागड्या किंमतीत हा फोन असण्याची शक्यता आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/32JPPUO