आता नोकियाचाही स्मार्ट टीव्ही होणार लाँच

नवी दिल्ली: स्मार्ट टीव्हीची क्रेझ गेल्या काही वर्षांत वाढली आहे आणि स्मार्टफोन कंपन्याही यात मागे नाहीत. परिणामी मोटोरोला वनप्लस नंतर आता नोकियाही आपला लाँच करण्याची तयारी करत आहे. देशातील लोकप्रिय ई-कॉमर्स कंपनी फ्लिपकार्टने नोकियाबरोबरची भागीदारी जाहीर केली आणि म्हटले आहे की फ्लिपकार्ट आता ब्रँडसोबत स्मार्ट टीव्हीची विक्री करेल. यापूर्वी मोटोरोलानेदेखील फ्लिपकार्टच्या सहकार्याने भारतात आपला स्मार्ट टीव्ही लाँच केला होता. फ्लिपकार्ट मॅनेज करेल बिझनेस फ्लिपकार्टने सांगितलं की, या भागीदारीमुळे कंपनीला भारतीय ग्राहकांची गरज अधिक चांगल्या प्रकारे समजून घेण्यास मदत होईल. कंपनी या आधारे आपल्या टीव्हीचे उत्पादन व वितरण धोरण निश्चित करेल. यासह, फ्लिपकार्ट एन्ड-टू-एन्ड बाजार धोरणही स्वतःच मॅनेज करेल. त्यामुळे नोकिया ब्रँडिंगव्यतिरिक्त काही पाहणार नाही. जेबीएल स्पीकर्ससह सुसज्ज फ्लिपकार्टने प्रसिद्धीपत्रकाद्वारे जाहीर केले आहे की नोकिया ब्रँडचा स्मार्ट टीव्ही जेबीएल स्पीकर्ससह येईल. जेबीएल सर्वोत्तम ऑडिओ उत्पादने तयार करण्यासाठी ओळखली जाते. Android टीव्ही ओएस वर काम करेल नोकियाचा स्मार्ट टीव्ही अँड्रॉइड टीव्ही ऑपरेटिंग सिस्टमवर काम करणार आहे. डिझाइन आणि वैशिष्ट्यांच्या बाबतीत हा टीव्ही मोठ्या प्रमाणावर मोटोरोलाच्या स्मार्ट टीव्हीसारखाच असेल. पण अर्थात आवाजाच्या बाबतीत यात नक्कीच फरक असेल. फ्लिपकार्ट हा टीव्ही कधी लाँच करेल याची कोणतीही माहिती देण्यात आलेली नाही. हा टीव्ही येत्या काही आठवड्यात बाजारात येईल अशी शक्यता आहे.

from Science & Technology News: Science News Updates, Science Technology News in Marathi | Maharashtra Times https://ift.tt/2WL9B0I