एअरटेलचे नव्या ग्राहकांसाठी बेस्ट प्लान

नवी दिल्ली: टेलिकॉम उद्योगक्षेत्रात कमी पैशात जास्त फायदे असलेले प्लान देण्याची स्पर्धाच सुरू झाली आहे. आकर्षक प्लान तयार करून अधिकाधिक ग्राहकांना आकर्षित करण्याचा सर्वच कंपन्यांचा प्रयत्न आहे. यामुळे कंपन्यांना चांगला महसून मिळण्याची अपेक्षा आहे. चांगली सेवा न मिळाल्यास ग्राहक आपला ऑपरेटर बदलत असल्यामुळे या क्षेत्रात स्पर्धा वाढली आहे. तुम्हीही तुमचा ऑपरेटर बदलण्याच्या प्रयत्नात असाल, तर तुम्ही नवा ऑपरेटर एअरटेलची निवड करू शकता. चला तर मग पाहुयात, काही उत्तम फर्स्ट टाइम रिचार्ज प्लान... नव्या यूजर्ससाठी एअरटेलच्या पोर्टफोलियोत अनेक उत्तम फर्स्ट टाइम प्लान उपलब्ध आहेत. या प्लान्सची सुरुवात १७८ रुपयांपासून होते. १७८ रुपयांचे पहिले रिचार्ज ज्या ग्राहकांना कमी डेटा आणि अधिक कॉलिंग हवी असेल, त्यांच्यासाठी १७८ रुपयांचा प्लान उत्तम आहे. या प्लानमध्ये अनलिमिटेड कॉलिंगसह रोजचे १०० मोफत एसएमएस दिले जात आहेत. २८ दिवसांची व्हॅलिडीटीसह या प्लानममध्ये ग्राहकाला एकूण २ जीबी डेटा मिळणार आहे. २४८ रुपयांचे फर्स्ट टाइम रिचार्ज डेटासाठी हा प्लान एक चांगला पर्याय आहे. या प्लानमध्ये २८ दिवसांची व्हॅलिडीटी देण्यात येत आहे. हा प्लान सबस्क्राइब केल्यास दररोज १.४ जीबी जेटा मिळणार आहे. प्लानमध्ये मिळणाऱ्या इतर फायद्यांमध्ये अनलिमिटेड कॉलिंग आणि दररोज १०० एसएमएस मोफत मिळणार आहेत. एअरटेलकडे याच फायद्यांसह आणखी एक प्लान आहे. हा प्लान १९९ रुपयांत उपलब्ध आहे. प्लानमध्ये हे सर्व फायदे मिळवण्यासाठी दर २८ व्या दिवशी प्लान रिचार्ज करावे लागणार आहे. १९९ रुपयांच्या प्लानमध्ये ग्राहकाला विंक म्यूझिक, एक्स्ट्रीमसह आणखी काही सुविधा मोफत मिळणार आहेत. ४९५ रुपयांचा फर्स्ट टाइम रिचार्ज ८४ दिवसांच्या व्हॅलिडिटीसह आगामी प्लानमध्ये ग्राहकाला दररोज १.४ जीबी डेटा मिळणार आहे. या प्लानमध्ये अनलिमिटेड लोकल, एसटीडी आणि रोमिंग कॉलिंगसह दररोज १०० मोफत एसएमएस देण्यात येत आहे. ५९५ रुपयांचे फर्स्ट टाइम रिचार्ज नवे ग्राहक एअरटेलचे ५९५ रुपयांचा प्लान निवडू शकतात. या प्लानमध्ये कंपनी ग्राहकाला दररोज २ जीबी डेटा देत आहे. हे प्लानमध्ये ग्राहकाला अनलिमिटेड कॉलिंग आणि दररोज १०० मोफत एसएमएस मिळणार आहेत. या रिचार्जसोबत कंपनी अॅमेझॉन प्राइम सदस्यतेसह आणखी अनेक अतिरिक्त फायदे ग्राहकांना देत आहे. या प्लानची व्हॅलिडिटी ८४ दिवसांची आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/34KZfkm