रेडमी ८ चा फ्लिपकार्टवर सेल, पाहा ऑफर्स!

नवी दिल्ली: चीनची स्मार्टफोन कंपनी शाओमीचा स्मार्टफोन आज बाजारात विक्रीसाठी उपलब्ध झाला आहे. हा फोन आज दुपारी १२ वाजल्यापासून फ्लिपकार्टवर ग्राहकांना खरेदी करता येणार आहे. याशिवाय हा फोन कंपनीच्या अधिकृत वेबसाइट आणि एमआय होम स्टोअरवरूनही खरेदी करता येणार आहे. हा फोन लोकप्रिय रेडमी ७ चा उत्तराधिकारी आहे. रेडमी ८ या फोनमध्ये ४ जीबीपर्यंत रॅम देण्यात आले आहे. या फोनमध्ये ५०००mAh बॅटरी देण्यात आली आहे. याशिवाय फोनमध्ये एचडी+ डिस्प्ले, क्वालकॉम स्नॅपड्रॅगन ४३९ प्रोसेसर देण्यात आलेला आहे. फोनमध्ये ड्युअल रीअर कॅमेरा सेटअप देण्यात आला आहे. हा फोन वॉटरड्रॉप नॉच आणि ग्रॅडियंट बॅक फिनिशसह आला आहे. या फोनला शाओमीने 'ऑरा मिरर' डिझाइनचे नाव दिले आहे. किंमत आणि ऑफर रेडमी ८ चा ३ जीबी रॅम + ६४ जीबी इंटरनल स्टोरेज व्हॅरिएंट सेलमध्ये ७,९९९ रुपयांमध्ये उपलब्ध होणार आहे, तर फोनचा ४ जीबी रॅम व्हॅरिएंट ८,९९९ रुपयांमध्ये उपलब्ध आहे. आज ग्राहकांना या फोनच्या खरेदीवर सवलत आणि कॅशबॅक फायदे मिळणार आहेत. एचडीएफसी बँकेच्या डेबिट कार्डद्वारे फोन खरेदी करताना 10 टक्के कॅशबॅक देण्यात येणार आहे. त्याचवेळी एसबीआय बँकेच्या क्रेडिट कार्डद्वारे हा फोन खरेदी केल्यास ग्राहकाला ५ टक्के कॅशबॅक मिळणार आहे. हा फोन आकर्षक नो कॉस्ट ईएमआयवरही खरेदी करता येईल. नो कॉस्ट ईएमआय दरमहा ६६७ रुपये पासून सुरू होते. रेडमी ८ ची ही आहेत वैशिष्ट्ये फोनमध्ये ७२०x१५२० पिक्सल रिजोल्यूशनसह ६.२२ इंचाचा एचडी+ डिस्प्ले देण्यात आलेला आहे. हा डिस्प्ले कॉर्निंग गोरिल्ला ग्लास ५ प्रोटेक्शनसह देण्यात आला आहे. ४ जीबी रॅम आणि ६४ जीबी इंटरनल स्टोरेज असलेल्या या फोनमध्ये क्वालकॉम स्नॅपड्रॅगन ४३९ एसओसी प्रोसेसर आहे. आवश्यक असल्यास मायक्रो एसडी कार्डच्या मदतीने फोनची मेमरी ५१२ जीबीपर्यंत वाढवता येऊ शकते. या फोनमध्ये फोटोग्राफीसाठी फोनच्या मागील बाजूस ड्युअल रियर कॅमेरा सेटअप देण्यात आला आहे. यात १२ मेगापिक्सलच्या प्रायमरी कॅमेऱ्यासह २ मेगापिक्सलचा दुय्यम कॅमेरा देण्यात आलेला आहे. तसेच सेल्फीसाठी समोर ८ मेगापिक्सलचा कॅमेरा देण्यात आलेला आहे. फोनचा फिंगरप्रिंट सेन्सरही बॅक पॅनलवर देण्यात आला आहे. फोनला शक्ती देण्यासाठी, यात ५००० mAh बॅटरी आहे. ही बॅटरी १८ W फास्ट चार्जिंग सपोर्टसह देण्यात आली आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/34sSJyR