शाओमीचा तब्बल १०८ मेगापिक्सेल कॅमेरा फोन लाँच, किंमत आणि फीचर्स

नवी दिल्ली : चीनमध्ये लाँच झाला आहे. पाच रिअर कॅमेरे असणारा हा शाओमीचा पहिला आणि जगातला दुसरा फोन आहे. फोनचा रिअर कॅमेरा तब्बल १०८ मेगापिक्सेलचा आहे. लूक आणि डिझाईनच्या बाबतीतही हा फोन स्टायलिश आहे. फोनमध्ये कर्व्ड OLED डिस्प्ले डिस्प्ले देण्यात आल्यामुळे हा शाओमीचा प्रीमिअम फोन बनला आहे. वाचा : फोनमध्ये विविध दमदार फीचर्सचा समावेश आहे. मात्र पेंटा (5) रिअर कॅमेरा सेटअप या फोनचं वैशिष्ट्य म्हणता येईल. या फोनमध्ये १०८ मेगापिक्सेलह ५ मेगापिक्सेल टेलिफोटो लेन्स, १२ मेगापिक्सेल पोर्ट्रेट सेन्सर, २० मेगापिक्सेल अल्ट्रा वाइड लेन्स आणि २ मेगापिक्सेल मायक्रो लेन्स देण्यात आली आहे. सेल्फीसाठी फोनमध्ये ३२ मेगापिक्सेल कॅमेरा आहे. डिस्प्लेमध्ये देण्यात आलेल्या डॉट नॉचमध्येच हा कॅमेरा आहे. फोनमध्ये ६.४७ इंच आकाराचा OLED डिस्प्ले आहे. अँड्रॉईड ९ पाय बेस्ड या फोनमध्ये स्नॅपड्रॅगन ७३०G प्रोसेसर देण्यात आलं आहे. फोनमध्ये ८ जीबीपर्यंत रॅम आणि २५६ जीबी इंटर्नल स्टोरेज आहे. या फोनमध्ये तब्बल 5,260mAh क्षमतेची बॅटरी देण्यात आली आहे, जी ३० वॅट फास्ट चार्जिंग सपोर्टेड आहे. फोनमध्ये फिंगरप्रिंट सेन्सर, एनएफसी सपोर्ट आणि Hi-Res ऑडिओ यांसारखे दमदार फीचर्स आहेत. वाचा : कंपनीने Mi CC9 प्रो सध्या फक्त चीनमध्ये लाँच केला आहे. चीनमध्ये या फोनच्या ६ जीबी रॅम आणि १२८ जीबी इंटर्नल स्टोरेज व्हेरिएंटची किंमत २७९९ युआन म्हणजे जवळपास २८ हजार रुपये आहे. तर ८ जीबी रॅम आणि १२८ जीबी इंटर्नल स्टोरेज व्हेरिएंटची किंमत ३०९९ युआन म्हणजे जवळपास ३१ हजार रुपये, तर ८ जीबी रॅम आणि २५६ जीबी इंटर्नल स्टोरेज व्हेरिएंटची किंमत ३४९९ युआन म्हणजेच जवळपास ३५ हजार रुपये आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2CejLNV