सॅमसंग: 'या' दोन फोनच्या किंमतीत भरघोस कपात

मुंबई : स्मार्टफोन बाजारातील वाढत्या स्पर्धेत सॅमसंगने दोन स्मार्टफोनची किंमत कमी केली आहे. ट्रिपल रिअर कॅमेरा सेटअप असलेल्या Galaxy A३०s आणि Galaxy A५०s हे दोन फोन स्वस्त झाले आहेत. यावर्षी सप्टेंबरमध्ये हे दोन्ही फोन लाँच करण्यात आले होते. गॅलक्सीचे ए सीरिजचे मध्यम किंमतीचे फोन ग्राहकांमध्ये प्रसिद्ध आहेत. मुंबईतील एका प्रसिद्ध रिटेलरच्या ट्वीटनुसार, स्मार्टफोनची किंमत ३००० रुपयांपर्यंत कमी झाली आहे. वाचा : सॅमसंग गॅलक्सी A३०s च्या ४ जीबी रॅम आणि ६४ जीबी स्टोरेज व्हेरिएंटची लाँचिंग किंमत १६ हजार ९९९ रुपये होती. आता हा फोन १५ हजार ९९९ रुपयात खरेदी करता येईल. तर सॅमसंग गॅलक्सी A५०s च्या ४ जीबी रॅम आणि १२८ जीबी स्टोरेज व्हेरिएंटची किंमत २२ हजार ९९९ रुपये, तर ६ जीबी रॅम, १२८ जीबी स्टोरेज व्हेरिएंटची लाँचिंग किंमत २४ हजार ९९९ रुपये होती. आता ४ जीबी व्हेरिएंटची किंमत १९ हजार ९९९ रुपये, तर ६ जीबी व्हेरिएंटची किंमत २१ हजार ९९९ रुपये आहे. सॅमसंग गॅलक्सी A५०s मध्ये ६.४ इंच आकाराचा एचडी डिस्प्ले आणि ऑक्टा कोअर Exynos ९६११ प्रोसेसर देण्यात आलं आहे. यामध्ये ट्रिपल रिअर कॅमेरा सेटअप आहे, ज्यात ४८ मेगापिक्सेल प्रायमरी सेन्सर, ८ मेगापिक्सेल अल्ट्रावाइड अँगल सेन्सर आणि ५ मेगापिक्सेल डेप्थ सेन्सर आहे. सेल्फीसाठी ३२ मेगापिक्सेल फ्रंट कॅमेराही मिळेल. याशिवाय ४०००mAh क्षमतेची १५वॅट फास्ट चार्ज सपोर्टेड बॅटरीही देण्यात आली आहे. वाचा : गॅलक्सी A३०s मध्येही ६.४ इंच आकाराचा एचडी डिस्प्ले आणि ऑक्टा कोअर Exynos ७९०४ प्रोसेसर मिळेल. या फोनमध्येही ट्रिपल कॅमेरा सेटअप आहे. २५ मेगापिक्सेल प्रायमरी सेन्सर, ८ मेगापिक्सेल अल्ट्रावाइड अँगल सेन्सर आणि ५ मेगापिक्सेल डेफ्त सेन्सर यामध्ये आहे. सेल्फीसाठी १६ मेगापिक्सेल कॅमेरा देण्यात आला आहे. शिवाय ४०००mAh क्षमतेची १५वॅट फास्ट चार्ज सपोर्टेड बॅटरीही देण्यात आली आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/33xhqtu