ट्विटरवर वाढतेय भारतीय भाषांची क्रेझ

मेघा मांडवीय, रघु कृष्णनन : गेल्या पाच वर्षात भारतात ट्विटरची लोकप्रियता वाढली आहे. भारतातील युजर्समुळं ट्विटरनंही चांगला महसूल प्राप्त केला आहे. याचे मुख्य कारण म्हणजे ट्विटरवर प्रादेशिक भाषांचा वाढता वापर आहे. 'कंपनी वाढवण्यासाठी भारत ही सगळ्यात मोठी बाजारपेठ आहे. जगभरात ट्विटरची वृद्धी होण्याचं सगळ्यात मोठं कारणं भारत आहे. आमची किंमत प्रमियम असून आम्ही सगळ्या प्रिमियम ब्रँडसोबत काम करतोय.'असं इंडियाचे व्यवस्थापकीय संचालक मनीष महेश्वरी यांनी सांगितले. ट्विटरवर अलीकडेच प्रेफर्ड ऑप्शनची सुविधा उपलब्ध केली आहे. ज्यामुळं युजर्सना त्यानी निवडलेल्या भाषेत टाइमलाइनवर कटेंट दिसणार आहे. भारतात प्रादेशिक भाषांवर काम करणे गरजेचं आहे असं आम्हाला वाटलं. आम्ही त्यात बदल केल्यानंतर ६- ८ महिन्यांमध्ये इतर भाषांमधील ट्विटमध्ये ५०%वाढ झाली आहे. असं महेश्वरी यांनी स्पष्ट केलं. हिंदी टॉपवर सध्या ट्विटरवरील काही ट्विट इंग्रजीमध्ये आहेत तर काही इतर भाषांमध्ये. यांमध्ये हिंदी टॉपवर आहे तर त्या खाली तामिळ भाषेचा नंबर लागतो. ट्विटर सध्या ७० मीडिया पार्टनर्ससोबत काम करतोय. जेणेकरून ट्विटरवर प्रादेशिक आणि स्थानिक वृत्त उपलब्ध होतील. व्हिडिओ कटेंट ट्विटरवर सध्या भारतीय युजर्सची संख्या वाढतेय. युजर्सना व्हिडिओ कॅटेगरीमध्ये भारतीयांना अधिक रस असल्याचे आमच्या लक्षात आलं. आम्ही सुद्धा यांवर अधिक काम करत आहोत. व्हिडिओच्या माध्यमातून कंपनीलाही अधिक महसूल प्राप्त होत असल्याची माहिती मनीष महेश्वरी यांनी दिली.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2paZl5B