शाओमीने आणले दोन नवे 'इंटरनेट एसी'; जाणून घ्या किंमत

नवी दिल्ली स्मार्टफोनचं उत्पादन करणारी सुप्रसिद्ध शाओमी या चीनी कंपनीने आता एअर कंडिशन (एसी) उत्पादनातही पाऊल टाकलं आहे. चीनमध्ये कंपनीने आयोजित केलेल्या प्रमोशनल कार्यक्रमात दोन नवे एसी लॉन्च करण्यात आले आहेत. 'इंटरनेट एसी' असं शाओमीने आपल्या नव्या एसींना संबोधलं आहे. इंटरनेट एसी आणि इंटरने वर्टिकल एसी अशी दोन उत्पादनं शाओमीने बाजारात दाखल केली आहेत. जबरदस्त कुलिंसोबतच वीजेचेही बजत असे या एसीचे वैशिष्ट्य आहे. दोन्ही एसींना कंपनीने डीसी फ्रीक्वेंसी कन्वर्जन तंत्रज्ञान दिलं आहे. यामुळे कमीत कमी वीज वापरली जाते. दोन्ही एसीचं शाओमीने सध्या बेसिक व्हर्जन लॉन्च केलं असून केवळ पांढऱ्या या एकाच रंगात हे एसी उपलब्ध करुन देण्यात आले आहेत. एसीवर मिनी डिस्प्ले एसीवर मिनी डिस्प्ले देखील देण्यात आला आहे. त्यावर एसीचं सध्याचं तापमान पाहण्याची व्यवस्था आहे. याशिवाय, दोन्ही एसींमध्ये ऑटोमिक क्लिनिंग टेक्नोलॉजी आहे. तसेच हे एसी इंटरनेट डिवाइसनने युक्त आहेत. म्हणजेच वापरकर्ते एसीला इतर इलेक्ट्रॉनिक डिव्हाइसने (उदा. मोबाइल) सूचना देऊ शकतात. किंमत किती? बाजारात एसींच्या किमती पाहता शाओमीने आपल्या या नव्या उत्पादनांची किंमत ग्राहकांना परवडेल अशीच ठेवण्याचा प्रयत्न केला आहे. यात १ एचपी क्षमता असलेल्या एसीची किंमीत जवळपास २३ हजार रुपये, तर १.५ एचपी क्षमता असलेल्या एसीची किंमत जवळपास २५ हजार रुपये इतकी आहे. याशिवाय वर्टिकल एअर कंडिशन प्रकारात दोन मॉडेल आहेत. त्यांची किंमत अनुक्रमे जवळपास ४५ हजार आणि ५५ हजारांच्या घरात आहे.

from Science & Technology News: Science News Updates, Science Technology News in Marathi | Maharashtra Times https://ift.tt/2oWkWi4