तुमचं व्हॉट्सअॅप सुरक्षित आहे का? असं तपासा

नवी दिल्लीः या मेसेजिंग अॅपच्या माध्यमातून देशातील पत्रकार, मानवी हक्क चळवळीतील सामाजिक कार्यकर्त्यांची हेरगिरी केल्याचं समोर येताच पूर्ण देशात एकच खळबळ माजली होती. इस्रायलच्या 'एनएसओ' या कंपनीने 'पेगसस' या सॉफ्टवेअरच्या माध्यमातून हेरगिरी केल्याचे समोर आले आहे. पेगसस अॅटेकनंतर आता हॅकर मलिशस व्हिडिओ फाइल पाठवून युजर्सवर पाळत ठेवत असल्याचं लक्षात आलं आहे. व्हॉट्सअॅपला ही त्रूटी लक्षात येताच फेसबुकवरून सिक्युरिटी वॉर्निंग जारी केली आहे. व्हॉट्सअॅपमध्ये निर्माण झालेल्या त्रुटीचा फायदा घेऊन हॅकर्स स्मार्टफोनमध्ये व्हॉट्सअॅपच्या मदतीनं मॉलिशेस क्राफ्टेड एमपी४ व्हिडिओ फाइल पाठवू शकतात. अनोळखी व्यक्तीकडून युजर्सना फाइल मिळाल्यानंतर हॅकिंग सुरू होते. ही एमपी४ फाइल अन्य व्हिडिओप्रमाणेच जरी सुरू होत असली तरी बॅकग्राउंडमध्ये हॅकर्स मॅलिशल कोडच्या मदतीनं युजर्सच्या डिव्हाइसचा अॅक्सेस घेण्यात येईल. लेटेस्ट व्हर्जन वापरण्याचा सल्ला इंडियन कंम्पूटर इमरजन्सी रेस्पॉन्स टीम (CERT-IN)कडून युजर्सनी लवकरात लवकर व्हॉट्सअॅपचं लेटेस्ट व्हर्जन अपडेट करण्याचा सल्ला दिला आहे. या नवीन अपडेटमध्ये व्हॉट्सअॅपची ही समस्या दुरुस्त केली होती. रिमोट अॅटेकर डिव्हाइस हॅक करण्यासाठी मॅलिशस एमपी४ फाइल युजर्सना पाठवतात. या पूर्ण प्रक्रियेत युजर्सच्या परवानगीची गरज भासत नाही आणि व्हिडिओ डाउलनलोड होताच डिव्हाइसचा अॅक्सेस हॅकर्सना मिळतो. तुमचं व्हॉट्सअॅप सुरक्षित आहे का? CERT-INनं युजर्सला लवकरत लवकर व्हॉट्सअॅप अपडेट करण्याचा सल्ला दिला आहे. अँड्रोइड व्हर्जन २.१९.२७४वर अपग्रेड करणं गरजेचं आहे. तर, आयफोन युजर्सना २.१९.१००वर अपडेट करावं लागणार आहे. >> आयफोनवर व्हॉट्सअॅप व्हर्जन कोणतं आहे हे तपासण्यासाठी सेटिंगमध्ये जा व 'हेल्प'वर क्लिक करा. 'हेल्प'वर क्लिक केल्यानंतर वरती व्हॉट्सअॅप व्हर्जनचा नंबर येईल. >> अँड्रोइड युजर्ससुद्धा सेटिंगमध्ये जाऊन 'हेल्प'वर क्लिक करा. त्यानंतर 'अॅप इन्फो'वर क्लिक करून व्हॉट्सअॅप व्हर्जनचा नंबर दिसेल.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2XWwdvX