अँँड्रॉइड फोनसाठी गुगलचे नवे स्मार्ट डिस्प्ले फीचर

नवी दिल्ली: गुगलने आपल्या Google Assistant मध्ये अॅम्बियन्ट मोड () कार्यान्वित करणे सुरू केले आहे. XDA डेव्हलपर्सच्या अहवालात हे स्पष्ट करण्यात आले आहे. या फीचरमुळे स्मार्टफोनच्या स्कीनवर स्मार्ट डिस्प्ले सुरू होतो. हे फीचर कॅलेंडर, ताजे हवामान, नोटिफिकेशन्स, रिमाइंडर्स, म्यूझिक कंट्रोल आणि इतर अनेक महत्त्वाच्या माहितीसह स्मार्टफोनचे स्क्रीन डिस्प्लेत बदलते. या फीचरची घोषणा या वर्षाच्या सुरुवातीला झालेल्या IFA मध्ये करण्यात आली होती. या स्मार्टफोन्समध्ये नवे फीचर्स मिळण्याचा दावा सुरुवातीला हे फीचर केवळ दोन टॅबलेट्स (लेनोव्हो स्मार्ट टॅब M8 HD आणि लेनोव्हो योग स्मार्ट टॅब) आणि दोन ( Nokia ७.२, Nokia ६.२) मध्ये देण्यात आले होते. शाओमी रेडमी K20 Pro आणि Nokia ६.२ च्या वापरकर्त्यांनीही हे फीचर सुरू झाले असल्याचा दावा केल्याचे XDA डेव्हलपर्सच्या अहवालात म्हटले आहे. Poco F1 च्या वापरकर्त्याने देखील हे फीचर मिळाल्याचा दावा करताना एक स्क्रीन शॉट शेअर केला आहे. गुगलने सांगितले, हे फीचर कसे काम करेल हे फीचर लाइव्ह झाल्यानंतर अँड्रॉइ़ड १० यूजर्स सेटिंग्जनंतर असिस्टंटमध्ये जात, आणि तिथे Hey असे म्हणत ते अॅक्टीव्ह करता येणार आहे. हे फीचर नेमके कसे काम करते याबाबत माहिती देताना गुगलने सांगितले की, ' असिस्टंटचे अॅम्बियंट मोड एक ना व्हिज्युअल ओव्हरव्ह्यू आहे. हा ओव्हरव्ह्यू नोटिफिकेशन्स आणि रिमाइंडर्स पाहण्याचे काम सोपे करतो. यात तुम्ही आपल्या डिव्हाइसच्या लॉकस्क्रीनवर प्लेलिस्ट सुरू करू शकता. याद्वारे आपण आपल्या स्मार्ट होम डिव्हाइसेसना कंट्रोल करू शकणार आहात. आपले काम पूर्ण झाले की मग स्क्रीनवर एक पर्सनल डिजिटल फोटो फ्रेम तयार होईल. ही फोटोफ्रेम आपल्या Google Photos अकाउंटला लिंक असेल.' इतर अँड्रॉइड फोनमध्ये लवकरच येणार गुगल असिस्टंट कंपनीने नुकतेच लाँच केलेल्या Pixel 4XL स्मार्टफोनमध्ये नवे देऊन आधीपासूनच या दिशेने काम सुरू केले आहे. नवे गुगल असिस्टंट Pixel 4 डिव्हायसेसवर आधीपासूनच देण्यात आले आहे.लवकरच हे फीचर इतर अँड्रॉइड स्मार्टफोन्सपर्यंत पोहोचणार आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2NXavEE