'या' १० प्रसिद्ध फोनमध्ये हॅकिंग सहज शक्य

नवी दिल्ली : नुकत्याच समोर आलेल्या एका रिपोर्टनुसार १० प्रसिद्ध अँड्रॉईड स्मार्टफोनला हॅक करुन त्यातील माहितीची हेरगिरी केली जाऊ शकते. ब्लूटूथ आणि यूएसबीचा वापर करुन हेरगिरी केली जाऊ शकते, असा दावा सुरक्षा संशोधकांनी केला आहे. हेरगिर अँड्रॉईड स्मार्टफोनमध्ये एटी कमांडचा वापर करुन युझर्सच्या खाजगी डेटावर निगराणी ठेवतात. बेसबँड सॉफ्टवेअरशी कम्युनिकेट करण्यासाठी अँड्रॉईडमध्ये एटी कमांडचा वापर केला जातो. या रिपोर्टनुसार, IMEI आणि IMSI नंबर मिळवण्यासाठी, फोन कॉल रोखण्यासाठी, हे फोन कॉल्स इतर नंबरवर वळवण्यासाठी, कॉलिंग फीचर ब्लॉक करण्यासाठी आणि इंटरनेट बंद करण्यासाठी एटी कमांडचा वापर केला जाऊ शकतो. या रिपोर्टमध्ये त्या १० अँड्रॉईड फोनचीही यादी देण्यात आली आहे, ज्याची हेरगिरी केली जाऊ शकते. टेक वेबसाइट TechCrunch च्या रिपोर्टनुसार, Samsung Galaxy S8+, Samsung Galaxy S3, Samsung Note 2, Huawei P8 Lite, Huawei Nexus 6P, Google Pixel 2, LG G3, LG Nexus 5, Motorola Nexus 6, आणि HTC Desire 10 Lifestyle यांचा यामध्ये समावेश आहे. सर्व स्मार्टफोनमध्ये एक बेसबँड प्रोसेसर (सेल्युलर मॉडेम) आणि अॅप्लिकेशन प्रोसेसर (AP) चा समावेश असतो. एपी एक साधारण प्रोसेसर आहे, तर बेसबँड प्रोसेसरचा वापर सेल्युलर कनेक्टिव्हीटीसाठी रेडिओ संबंधी कामासाठी होतो. एप्लिकेशन प्रोसेसरकडून बेसबँड प्रोसेसरला कनेक्ट होण्यासाठी एटी कमांड जारी केली जाते. जेव्हा Apps आणि फोनमधील इतर फीचर्सवर एटी कमांड पाठवण्यासाठी अडथळा येतो, तेव्हा अँड्रॉईड स्मार्टफोन्समध्ये यूएसबी आणि ब्लूटूथला यात प्रवेश (Access) दिला जातो. हॅकर्सकडून याच टेक्निकचा वापर केला जातो. १४ पेक्षा जास्त एटी कमांड आहेत, ज्याद्वारे फोन हॅक केला जाऊ शकतो, असं या रिपोर्टमध्ये म्हटलं आहे.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/2ruF4IZ