शाओमीनं आणला चमत्कारिक कप; चहा गरम ठेवणार आणि फोन चार्ज करणार

नवी दिल्ली: चीनची आघाडीची टेक कंपनी रोजच्या रोज नवनवी उत्पादनं बाजारात आणत असते. आता शाओमीनं आपल्या ग्राहकांसाठी एक आगळावेगळा कप आणला आहे. वायरलेस चार्जिंग तंत्रज्ञानानं युक्त असा हा कप चहा गरम ठेवण्याबरोबरच मोबाइल चार्ज करणार आहे. '' असं नाव या उत्पादनाला देण्यात आलं आहे. कोणत्याही प्रकारच्या वातावरणात ५५ डिग्रीपर्यंत तापमान राखण्याची 'वॉर्म कप'ची क्षमता आहे. वायरलेस चार्जिंगद्वारे हे शक्य होते. ग्राहकांना चहा किंवा कॉफी गरम ठेवण्यासाठी हा कप वायरलेस चार्जिंग पॅडवर ठेवावा लागतो. हा कप पारंपरिक चार्जरपेक्षा पूर्ण वेगळा आणि अद्ययावत असून अधिक सुरक्षित देखील आहे. ऑटो स्लीप मोड 'वॉर्म कप' हा प्रत्येकाच्या घरात असलेल्या सिरामिक कपासारखाच असतो. वॉटरप्रूफ असल्यामुळं खराब झाल्यानंतर हा कप धुवून स्वच्छ करता येतो. 'वॉर्म कप'मध्ये चार्जिंगची रचना अत्यंत विचारपूर्वक व बारकाईनं करण्यात आल्यानं ग्राहकांना यापासून कोणताही धोका नसतो. चार तास वापर न केल्यास याचं तापमान वाढण्याची प्रक्रिया आपोआप बंद होते आणि कप 'स्लीप मोड'मध्ये जातो. स्मार्टफोन चार्ज करता येणार 'वॉर्म कप'ची खासीयत म्हणजे चहा किंवा कॉपी गरम ठेवण्याबरोबरच हा कप स्मार्टफोनही चार्ज करू शकतो. त्यासाठी त्यासोबत येणाऱ्या चार्जिंग पॅडचा वापर करावा लागतो. हा पॅड १० वॅटचा असतो. अर्थात, त्यासाठी तुमच्या फोनमध्ये वायरलेस चार्जिंग फिचर असणं गरजेचं आहे. चीनच्या बाजारात उपलब्ध 'वॉर्म कप' सध्या फक्त चीनच्या बाजारात उपलब्ध आहे. त्याची किंमत २ हजार रुपये आहे. भारतात हा कप नेमका कधी येणार याबाबत काहीही जाहीर करण्यात आलेलं नाही.

from Science & Technology News: Science News Updates, Science Technology News in Marathi | Maharashtra Times https://ift.tt/2NQgpqU