१९० कोटी स्मार्टफोनवर अँटी व्हायरस Apps चा धोका

नवी दिल्ली : स्मार्टफोन युझर्ससाठी एक नवा धोका समोर आला आहे. प्रसिद्ध App शी संबंधित हा धोका असल्यामुळे चिंता आणखी वाढली आहे. बहुतांश स्मार्टफोन युझर्स आपला फोन व्हायरस किंवा मालवेअरपासून वाचवण्यासाठी या App चा वापर करतात. पण हेच अँटी व्हायरस App आता धोका बनले आहेत. या अँटी व्हायरस App चा शोध प्रायव्हसी अँड सिक्युरिटी रिसर्च कंपनी VPNPro ने लावला आहे. जगभरातील १९० कोटी स्मार्टफोनमध्ये हे धोकादायक अँटी व्हायरस App सक्रीय असल्यामुळे धोका वाढला आहे. गुगल प्ले स्टोअरवर सध्या असे १० अँटी व्हायरस App उपलब्ध आहेत, जे युझर्सच्या डोळ्यात धूळ फेकून मालवेअर आणि स्पायवेअरला स्मार्टफोनमध्ये प्रवेश मिळवून देतात. VPNPro ने याबाबतचा दावा केला आहे. यानंतर मालवेअर आणि स्पायवेअरकडून स्मार्टफोन आणि टॅबलेटवर निगराणी ठेवली जाते. वाचा : VPNPro ने दिलेल्या माहितीनुसार, हे सर्व अँटी व्हायरस Apps युझर्सकडून मिळालेल्या परवानगीच्या आधारावर वैयक्तिक डेटा चोरी करतात आणि त्याची विक्री होते. यासोबतच मालवेअर पसरवण्याचंही काम केलं जातं. यापैकी काही App असे आहेत, जे स्मार्टफोनमधून डिलीट होण्यासाठी युझर्सकडे पैशांची मागणी करतात. यापूर्वीही अशाच प्रकारच्या पाच App ची माहिती समोर आली होती, जी व्हीपीएन प्रोने आपल्या मागच्या रिपोर्टमध्ये दिली होती. आत्ता समोर आलेल्या १० App प्रमाणेच हे पाच App देखील युझर्सचा डेटा चोरी करत होते. दरम्यान, गुगलने नुकतंच पाच App प्ले स्टोअरवरुन हटवले आहेत. व्हीपीएन प्रोच्या मते, गुगल प्ले स्टोअरवर हे Apps 50 कोटी वेळा डाऊनलोड करण्यात आले आहेत. वाचा : कोणकोणत्या App चा समावेश ? धोकादायक अँटी व्हायरस App मध्ये क्लीन मास्टरसारख्या प्रसिद्ध अँटी व्हायरस App सारखे इतर अनेक App आहेत. त्यामुळे ग्राहकांनी कोणत्याही थर्ड पार्टी अँटी व्हायरस App पासून दूर राहणं हाच उत्तम पर्याय असल्याचं जाणकार सांगतात. व्हीपीएन प्रोच्या मते, हे App स्मार्टफोनमधून फोन कॉलचा ऑडिओ, लोकेशन डेटा यावर नजर ठेवतात आणि याची विक्री करुन मोठ्या प्रमाणात पैसे कमावतात. सर्वात चिंताजनक बाब म्हणजे, मोबाईलमध्ये असलेले अँटी व्हायरस App प्रत्येक दोन सेकंदाला युझर्स लोकेशनचा डेटा पाठवतात. काही बाबतीत हे App विविध कंपन्यांना एका दिवसात १४ हजार वेळा डेटा पाठवतात. एका अंदाजानुसार, पहिल्यांदा हॅक झालेल्या ५० कोटी युझर्सपैकी केवळ एक टक्के डेटा विकला तरीही App डेव्हलपर्स २० हजार डॉलर्सची कमाई करतात.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/36NaKcw