फेसबुक App वापरणारांसाठी खुशखबर!

मुंबई : App वर दिवसभरात सतत नोटिफिकेशन येत असतात. आपल्या जवळच्या घडामोडी आणि मित्रांनी आपल्यासोबत कनेक्ट रहावं हा फेसबुकचा उद्देश असतो. पण अनेकदा या नोटिफिकेशन्समुळे युझर्सला वैतागही येतो. त्यामुळेच फेसबुकने आता हे नवं फीचर आणलं आहे. टेकशी संबंधित वेबसाइट TechCrunch च्या रिपोर्टनुसार, फेसबुक App मध्ये नेव्हीगेशन बारमध्ये नव्या फीचरचा पर्याय देण्यात आला आहे. ‘फेसबुककडून नेव्हिगेशन बार कंट्रोल्स रोल आऊट केली जात आहेत. जेणेकरुन युझर्सना त्यांच्या आवडीच्या गोष्टींशी कनेक्ट राहता येईल आणि नोटिफिकेशन्सही स्वतःला हवे तसे नियंत्रित करता येतील,’ अशी माहिती फेसबुककडून TechCrunch ला देण्यात आली. दरम्यान, iOS वर फेसबुकचं नवं फीचर दिसून आलं आहे, पण अँड्रॉईडला यासाठी वाट पाहावी लागणार आहे. फेसबुकच्या या नव्या फीचरच्या माध्यमातून युझर्स Watch Groups, Marketplace, Profile, Events, News, Friend Requests, Today In, Gaming and Dating यांसारख्या टॅब्स हटवू शकतात किंवा नोटिफिकेशनही म्यूट करता येतील. यामुळे फेसबुकच्या नोटिफिकेशनमुळे वैतागलेल्या युझर्सना दिलासा मिळणार आहे. फेसबुक App च्या शॉर्टकट बारमधून तुम्हाला जी टॅब हटवायची आहे, त्या आयकॉनवर काही सेकंद प्रेस करावं लागेल. यानंतर Remove from shortcut bar आणि turn off notification dots हे दोन पर्याय दिसतील. उदाहरणार्थ, आम्ही Marketplace टॅब हटवण्याचा प्रयत्न केला, ज्याचा तुम्ही स्क्रीनशॉट पाहू शकता. याशिवाय तुम्ही सेटिंगमध्ये जाऊनही या फीचरचा वापर करु शकता. यासाठी फेसबुक App च्या Settings & Privacy > Settings > Shortcuts bar हा मार्ग निवडावा लागेल.

from Latest Mobile Phones: Mobile News, Latest Mobile News in Marathi | Maharashtra Times https://ift.tt/32H8wIu