मुंबई: 'व्हॉट्सअॅप' वापरणाऱ्या युजर्ससाठी नेहमी काही तरी नवीन आणि इंटरेस्टींग असे अपडेट्स येत असतात. वेगवेगळे प्रयोग कंपनीकडून करण्यात येत आहेत. असाच एक प्रयोग कंपनीकडून करण्यात येत असून खासकरून तरुण युजर्ससाठी हे फीचर आकर्षणाचा विषय ठरू शकतो. हे फीचर स्नॅपचॅटमधील फीचरशी साधर्म्य साधणारं असणार आहे. या नवीन फीचरचं नाव SELF DESTRUCTING MESSAGING असं आहे. याशिवाय व्हॉट्सअॅपवर 'डार्क मोड' आणि म्यूटेड असे काही फीचर्स अपडेट होणार आहेत. गायब होणार मेसेजएखाद्या युजरनं तुम्हाला पाठवलेला मेसेज काही काळासाठी गायब करायचा असल्यास हे फीचर तुम्हासा उपयोगी पडणार आहे. असं फीचर सध्या स्नॅपचॅटमध्ये आहे. मेसेज पाठवणारा युजर्स मेसेज किती वेळेनंतर डिलीट होईल हेदेखील ठरवू शकणार आहे. युजरनं तुम्हाला पाठवलेला मेसेज काही काळासाठी डिलीट किंवा गायब करण्यासाठी ५ सेंकद ते एक तास किंवा ३० दिवसांचा वेळ निर्धारीत केला जाऊ शकतो. सध्या या फीचरची चाचणी ग्रुप मेसेजसाठी सुरू आहे. या फीचरच्या पर्यायाला निवडल्यानंतर युजर्सनं पाठवलेल्या सर्वच मेसेजवर हे फीचर लागू होईल. मेसेज डिसअॅपिअरिंग फीचरसाठी एकाच मेसेज निवडला जाऊ शकत नाही. व्हॉट्सअॅपचं हे नवे फीचर प्रायव्ही सिक्यॉर करण्यासाठी एक चांगलं फीचर ठरू शकतं. व्हॉट्सअॅपकडून सध्या नव्या फीचरवर प्राथमिक स्तरावर काम सुरू आहे. त्यामुळं हे नवं फीचर युजर्सपर्यंत येण्यासाठी काही महिन्यांचा कालावधी लागणार असल्याची शक्यता आहे. व्हॉट्सअॅपमध्ये येणार डार्कमोड व्हॉट्सअॅपनं आपले अँड्रॉईड बीटा व्हर्जन अपडेट केले आहे आणि नवीन २.१९.८२ च्या टिअर डाउनकडून उपलब्ध झालेल्या माहितीनुसार कंपनी डार्क मोड फीचरच्या दिशेने वाटचाल करत आहे. या फीचरशी संबंधित काही माहिती पूर्वीच समोर आली आहे. आता लेटेस्ट अपडेट व्हॉट्सअॅपच्या डार्क मोडचा फस्ट लूक आला आहे. लवकरच डार्क मोड रोल आउट होईल अशी शक्यता वर्तविली जात आहे.
from Latest Mobile Phones: Mobile News, Latest Mobile News in Marathi | Maharashtra Times https://ift.tt/2BIpQlu
Comments
Post a Comment