जिओ फायबर; TV कनेक्शनसाठी पैसे मोजावे लागणार

नवी दिल्ली रिलायन्सने गेल्या महिन्यात JioFiber लाँच केलं होतं. जिओ फायबरच्या प्लानची किंमत ६९९ रुपये आहे. ज्यामध्ये १०० MBPS स्पीड देण्यात आला आहे. जिओ फायबर ब्रॉडबँड प्लान लँडलाइन कनेक्शन आणि 4K-रेडी सेट टॉप टॉप बॉक्ससह येतो. पण जिओ फायबर ग्राहकांना केबल टीव्हीचं कोणतंही कनेक्शन देणार नाही. याचा अर्थ असा आहे की आपल्याला जिओच्या 4K सेट-टॉप बॉक्सवर टीव्ही चॅनेल पाहण्यासाठी स्थानिक केबल ऑपरेटरकडून केबल कनेक्शन विकत घ्यावं लागेल. यासाठी तुम्हाला केबल ऑपरेटरला पैसे मोजावे लागतील. हॅथवे, डेन नेटवर्क आणि जीपीटीएल हॅथवे केबल या कंपन्या जिओ फायबरच्या ग्राहकांना सध्या टीव्ही सेवा देत आहेत. आपल्याला जर जिओ 4K च्या सेट-टॉप बॉक्सवर चॅनेल बघायचं असेल तर त्यासाठी या ऑपरेटरकडून केबल टीव्ही कनेक्शन विकत घ्यावं लागेल. जिओ सेट-टॉप बॉक्सबद्दल हे माहित आहे का? जिओ फायबर नव्या ग्राहकांकडून प्रत्येकी २५०० रुपये डिपॉझिट घेतंय. यात १ हजार रुपये इन्स्टॉलेशन शुल्क आहे. हे शुल्क परत मिळत नाही. उर्वरित १५०० रुपये परत मिळतील म्हणजे रिफंडेबल आहेत. प्रत्येक ग्राहकाला जिओ फायबरच्या कनेक्शनसह जिओचा एक सेट टॉप बॉक्स मिळेल. जिओ ग्राहकांना सेट-टॉप बॉक्ससोबत टीव्ही कनेक्शनही देणार असं अधी बोललं जात होतं. पण ग्राहकांना लोकल केबल ऑपरेटरकडून कनेक्शन विकत घ्यावं लागणार आहे, हे बाब लाँचवेळी समोर आली. यामुळे जिओच्या सेट-टॉप बॉक्सचं ग्राहकांना फारसं फायदा होणार नाही. लोकल केबल ऑपरेटरकडूनचं टीव्ही कनेक्शन घ्यावं लागेल? वास्तविक, रिलायन्स जिओची ग्राहकांसाठी आयपीटीव्ही (इंटरनेट प्रोटोकॉल टीव्ही) आणण्याची योजना होती, जी आणता आली नाही. त्याऐवजी कंपनीने हॅथवे आणि डेन नेटवर्कमध्ये अधिक भागीदारी घेतली. या व्यतिरिक्त, लोकल केबल ऑपरेटर कंपन्या इंटरनेट प्रोटोकॉल टीव्ही आणण्यासाठी रिलायन्स जिओला विरोध करत होत्या. यामुळे त्यांचा व्यवसाय ठप्प झाला असता. म्हणून ग्राहकांच्या माध्यमातून कनेक्शन देऊन जिओ फायबर स्थानिक केबल ऑपरेटरना बळकटी देत आहे. यामुळे टीव्ही कनेक्शन मोफत मिळेल अशा विचारातून तुम्ही जिओ फायबर घेत असाल तर ते चुकीचं ठरेल. म्हणजेच टीव्ही कनेक्शन मोफत मिळेल या आशेने जिओ फायबर घेत असाल तर तसं नाहीए. मात्र, आपण १०० एमबीपीएस स्पीड आणि विनामूल्य सामग्रीसह इतर गोष्टींचा आनंद घेऊ शकता. यासाठी आपल्याला कनेक्शन घेता येईल.

from Science & Technology News: Science News Updates, Science Technology News in Marathi | Maharashtra Times https://ift.tt/2AT1y7S